Грамадства11

Што вядома пра падлетка, якога адправілі ў калонію за тое, што зняў на відэа расійскую тэхніку?

18-гадовага Паўла Піскуна абвінацілі ў тым, што ён зняў на мабільны тэлефон расійскую вайсковую тэхніку і даслаў відэа ў «экстрэмісцкі» тэлеграм-канал. За гэта яму прысудзілі 3 гады пазбаўлення волі. Даведаліся больш пра гэтага хлопца.

Павел Піскун. Фота: сацсеткі

Павел з Мазыра, вучыўся ў Нараўлянскім прафесійным ліцэі. Яму заставалася літаральна 3—4 месяцы да выпуску.

Ягоным хобі быў спорт. Хлопец з дзяцінства займаўся рознымі відамі спорту: вольнай барацьбой, веславаннем. Год адвучыўся ў школе алімпійскага рэзерву. Апошнім часам захапляўся паўэрліфцінгам, жымам штангі лежачы, і ездзіў на спаборніцтвы.

«У яго быў скаліёз, таму ён далей не здолеў займацца спортам прафесійна, хоць марыў прабіцца», — расказвае сябра Паўла.

Павел у спартовай залі. Фота: сацсеткі

Сям'я самая звычайная, двое дзяцей — Павел і старэйшая сястра, якая вучыцца ў Мінску. Знаёмыя пра яго добра адгукаюцца.

«Раней ніякіх праблемаў з законам ён не меў. У школе Паша не надта шмат часу прысвячаў вучобе, але ўжо ў ліцэі добра сябе зарэкамендаваў і падняў сярэдні бал ледзь не ўдвая — ён стаў вышэйшым за 8 балаў.

Як яго знайшлі — незразумела. Ён кідаў фота ў нейкі бот», — згадвае сябар.

Затрымалі Паўла 8 сакавіка. Яны сям'ёй адзначалі свята, Паша з дзяўчынай пайшлі гуляць. Але каля першай гадзіны дзяўчына пачала біць трывогу — Паша пайшоў сустрэцца з сябрам і знік.

«Усе адразу зразумелі, нешта не так, бо Паша заўжды быў на сувязі і адказна да гэтага ставіцца. Яго пачалі шукаць, абзвоньваць усе інстанцыі. А каля восьмай сваякам патэліла міліцыя і сказала, што ён затрыманы.

Павел Піскун. Фота: сацсеткі

Канешне, для ўсіх гэта быў шок. Сям'і было вельмі цяжка, сястра нават на месяц засталася ў Мазыры з бацькамі.

Маці казала, што падчас першага сумеснага допыту ў ягоных вачах быў бачны страх. Бо ён не ведаў, што з сям'ёй — ён жа нікуды не ўлазіў раней, а тут ён у РАУСе па крымінальнай справе», — дзеліцца сябра хлопца.

Спачатку сям'і сказалі, што праз дзень у ІЧУ Паша паедзе дадому. Але яго не адпусцілі. 

На падлетка завялі крымінальную справу па ч.1 і ч.2 артыкула 361-4 КК (садзейнічанне экстрэмісцкай дзейнасці).

На судзе, кажуць знаёмыя, хлопец трымаўся ветліва і мужна. 

«У апошнім слове Паша напачатку папрасіў прабачэння ў сям'і. Сказаў, што не хацеў нікому нанесці шкоды, а праз яго ім давялося шмат адпакутаваць. Выбачаўся, што ён у клетцы, а не на трыбуне, дзе яго ўзнагароджваюць за спаборніцтвы. Агулам ён вельмі перажывае, што падвёў сям'ю.

Дзяўчына не адвярнулася ад яго, дапамагала сям'і, заўжды была з імі. Калі ён бачыў яе на судзе, у яго вочы гарэлі».

Павел Піскун. Фота: сацсеткі

У лістах хлопец піша, што шкадуе, што замала часу праводзіў з сям'ёй, не паспеў многае абмеркаваць з імі.

Адрас для лістоў:

Піскун Павел Ігаравіч, 2004 года нараджэння. СІЗА-3, г. Гомель, вул. Кніжная 1А, 246003.

Чытайце яшчэ:

У Гомелі падлетку далі 3 гады калоніі за тое, што зняў на відэа перасоўванне расійскіх захопнікаў

«Паляшучка з ненапісанай казкі». Расказваем пра жанчыну, якой прысудзілі калонію за зварот у Следчы камітэт

Вось па чыім даносе затрымалі дырэктарку турыстычнага агенцтва «Віяполь»

Каментары1

  • Андрусь
    07.08.2022
    НН, калі ласка, вярніце ў штат карэктара або стыль-рэдактара, які б вычытваў тэксты перад публікацыяй, калі ўзровень ведання беларускай мовы аўтарамі тэкстаў такі нізкі. Сорамна ж за назву выдання... 
    "Грэбляй" немагчыма займацца. Па ёй можна ісці, ехаць. Яна замінае праходзіць вадзе і стварае сажалкі і г.д. 
    А спорту такога няма. Тое, што паказана на фота з сацсетак - гэта трэнаванне весляроў. Спорт, якім яны займаюцца, завецца "веславанне".  

Цяпер чытаюць

Ці праўда, што ўзмацніліся праверкі на беларускай мяжы? Што вядома

Ці праўда, што ўзмацніліся праверкі на беларускай мяжы? Што вядома

Усе навіны →
Усе навіны

Стала вядома, колькі беларусаў атрымалі ўкраінскае грамадзянства, а колькі іх выдварылі з краіны5

А вы ведалі, што ў Мінску працуе «Донер Трамп»? Што там прапануюць?2

Лукашэнка сёння ляціць у Расію13

«Я гатовая стаць міністрам эканомікі Беларусі». Новы твар у Кабінеце Аліса Рыжычэнка — пра карупцыю на карысць Лукашэнак, Зарэцкую і рэформы72

Выйшаў на свабоду медыяменеджар і былы футбаліст Сяргей Капанец1

Так выглядае Часаў Яр пасля захопу расіянамі ФОТЫ22

Насту Лойку перавялі на паўгода ў памяшканне камернага тыпу1

Пракуратура Польшчы пачала папярэдняе следства па справе аб візах PBH. Іх атрымлівалі ў асноўным беларускія айцішнікі8

Ціханоўскі адказаў Лукашэнку наконт палітвязняў: Проста зараз 20 аўтобусаў будзе на мяжы, трэба будзе, будзе 100 — забярэм усіх28

больш чытаных навін
больш лайканых навін

Ці праўда, што ўзмацніліся праверкі на беларускай мяжы? Што вядома

Ці праўда, што ўзмацніліся праверкі на беларускай мяжы? Што вядома

Галоўнае
Усе навіны →

Заўвага:

 

 

 

 

Закрыць Паведаміць