Украіна дэнансавала пагадненне аб супрацы і кааперацыі з Беларуссю ў ВПК
Урад Украіны ўхваліў рашэнне спыніць дзеянне міжурадавага пагаднення з Беларуссю аб вытворчай і навукова-тэхнічнай кааперацыі прадпрыемстваў і арганізацый абаронных галін прамысловасці. Міністэрству замежных спраў Украіны даручана паведаміць беларускаму боку аб ухваленым рашэнні, піша Радыё Свабода.
Беларусь і Украіна падпісалі міжурадавае пагадненне аб вытворчай і навукова-тэхнічнай кааперацыі прадпрыемстваў і арганізацый абаронных галін прамысловасці 25 чэрвеня 2001 года. Яно набыло юрыдычную моц 1 ліпеня 2002 года.
Пагадненне прадугледжвала ўзаемавыгадную кааперацыю між суб’ектамі гаспадарання Беларусі і Украіны ў сферах распрацоўкі і вытворчасці прадукцыі вайскова-тэхнічнага прызначэння, паслуг такога прызначэння, а таксама пастаўку матэрыялаў, паўфабрыкатаў, дэталяў, навучальнай і дапаможнай маёмасці для ўласных патрэбаў, неабходных для вырабу ўзбраення і вайсковай тэхнікі.
Пагадненне падпісвалі на тры гады з аўтаматычным падаўжэннем дзеяння. Яно страціць сілу праз шэсць месяцаў пасля атрымання пісьмовага паведамлення другога боку аб выхадзе з пагаднення.
Урад Украіны ўхваліў рашэнне аб дэнансацыі 2 жніўня.
Чытайце таксама:
Украіна разарвала пагадненне з Беларуссю аб суднаходстве
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары