Беларусь будзе разлічвацца за кітайскія даляравыя крэдыты ў юанях — тое на тое
Беларусь будзе разлічвацца за кітайскія даляравыя крэдыты ў юанях. Пра гэта распавёў журналістам першы віцэ-прэм'ер Мікалай Снапкоў, піша БелТА.
«Адзін з асноўных элементаў супрацоўніцтва з Кітаем цяпер — гэта фінансы. Тут праца ідзе вельмі актыўна і пазітыўна. Мы пераходзім у нашых плацяжах па даўгах на юані», — сказаў Мікалай Снапкоў.
Па яго словах, у сітуацыі, якая складваецца, гэтая валюта для Беларусі з'яўляецца камфортнай. «Нягледзячы на тое, што крэдыты былі першапачаткова намінаваныя ў далярах, мы будзем разлічвацца ў юанях», — сказаў першы віцэ-прэм'ер.
Курс юаня да даляра адносна стабільны, таму Беларусь фінансава нічога не выйграе ад такой камбінацыі.
Цяпер чытаюць
За падпіску на каналы трэш-блогера Мэлстроя цяпер будуць караць5
Каментары