У ЗША абвясцілі лаўрэатаў прэміі «Эмі». Яе называюць тэлевізійным эквівалентам «Оскара».
Найлепшым рэжысёрам драматычнага серыяла прызнаны Хван Дон-Хёк за «Гульню ў кальмара».
У намінацыі «Найлепшы драматычны серыял» перамаглі «Спадкаемцы», а найлепшым камедыйным серыялам стаў «Тэд Ласа». «Белы лотас» прызналі найлепшым міні-серыялам года.
Прыз за «Найлепшы сцэнарый камедыйнага серыяла» атрымала Куінта Брансан за «Пачатковую школу Эбат».
У катэгорыі «Найлепшая мужчынская роля ў драматычным серыяле» статуэтку атрымаў Лі Джон Джэ, які сыграў галоўную ролю ў «Гульні ў кальмара».
Прыз за найлепшую жаночую ролю ў драматычным серыяле атрымала Зэндэя за «Эйфарыю». У камедыйным жанры найлепшымі сталі Джын Смарт за «Хітрасці» і Джэйсан Судэйкіс за «Тэда Ласа».
Цяпер чытаюць
«Вы бачылі шпалеры ад забудоўшчыка? Гэта ж страшны сон». За што крытыкуюць дзяржаўны рамонт у кватэрах для чаргавікоў?1
Каментары