ByPol: У харугвы ў Польшчы ў першы дзень запісаліся 800 чалавек
Арганізацыя былых сілавікоў ByPol працуе над стварэннем харугваў. Толькі за тры дні ў Варшаве, паводле ByPol, туды запісаліся 800 чалавек, паведамляе канал «Позірк».
Харугвы аб'ядноўваюць беларусаў, якія хочуць вярнуцца на радзіму «ў той момант, калі яны будуць там патрэбныя» для ўдзелу ў «спецыяльных аперацыях, якія намі запланаваныя», — заявіў кіраўнік ByPol, прадстаўнік Аб’яднанага пераходнага кабінету Аляксандр Азараў 4 кастрычніка ў Варшаве падчас сустрэчы Святланы Ціханоўскай з дыяспарай.
«Харугвы — гэта аб'яднанні беларусаў, якія могуць збірацца разам і адчуваць плячо адзін аднаго. Гэта збіранне аднадумцаў, — патлумачыў Азараў. — Ужо каля месяца мы гэтай справай займаемся, выязджалі ў Гданьск, у Беласток, дзе стваралі іх».
Паводле яго, удзельнікі падобных аб'яднанняў займаюцца спортам, стралковай падрыхтоўкай, адзінаборствамі і «іншымі спецыяльнымі прадметамі» пад кіраўніцтвам інструктараў.
«Мы ўжо каля года з паловай займаемся спецыяльнай падрыхтоўкай беларусаў у межах плана «Перамога». Стаіць вялікая чарга на падрыхтоўку. Яна каштуе вельмі дорага, а сродкаў няшмат. У першы дзень, калі мы пра гэта аб'явілі, да нас запісалася 800 чалавек — толькі за тры дні».
ByPol — аб'яднанне былых беларускіх сілавікоў, якія звольніліся з органаў пасля падзей 2020 года.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2828
Каментары
Только же статья была о сотруднике Губопа,который внедрился передал всю информацию силовикам.
Много людей теперь сидит.
Не знаю,кто там сейчас в руководстве ByPol,
бывшие сотрудники или настоящие -
я бы им не доверял.
Как говорится,бывших среди них не бывает.