ByPol: U charuhvy ŭ Polščy ŭ pieršy dzień zapisalisia 800 čałaviek
Arhanizacyja byłych siłavikoŭ ByPol pracuje nad stvareńniem charuhvaŭ. Tolki za try dni ŭ Varšavie, pavodle ByPol, tudy zapisalisia 800 čałaviek, paviedamlaje kanał «Pozirk».
Charuhvy abjadnoŭvajuć biełarusaŭ, jakija chočuć viarnucca na radzimu «ŭ toj momant, kali jany buduć tam patrebnyja» dla ŭdziełu ŭ «śpiecyjalnych apieracyjach, jakija nami zapłanavanyja», — zajaviŭ kiraŭnik ByPol, pradstaŭnik Abjadnanaha pierachodnaha kabinietu Alaksandr Azaraŭ 4 kastryčnika ŭ Varšavie padčas sustrečy Śviatłany Cichanoŭskaj z dyjasparaj.
«Charuhvy — heta abjadnańni biełarusaŭ, jakija mohuć źbiracca razam i adčuvać plačo adzin adnaho. Heta źbirańnie adnadumcaŭ, — patłumačyŭ Azaraŭ. — Užo kala miesiaca my hetaj spravaj zajmajemsia, vyjazdžali ŭ Hdańsk, u Biełastok, dzie stvarali ich».
Pavodle jaho, udzielniki padobnych abjadnańniaŭ zajmajucca sportam, strałkovaj padrychtoŭkaj, adzinaborstvami i «inšymi śpiecyjalnymi pradmietami» pad kiraŭnictvam instruktaraŭ.
«My ŭžo kala hoda z pałovaj zajmajemsia śpiecyjalnaj padrychtoŭkaj biełarusaŭ u miežach płana «Pieramoha». Staić vialikaja čarha na padrychtoŭku. Jana kaštuje vielmi doraha, a srodkaŭ niašmat. U pieršy dzień, kali my pra heta abjavili, da nas zapisałasia 800 čałaviek — tolki za try dni».
ByPol — abjadnańnie byłych biełaruskich siłavikoŭ, jakija zvolnilisia z orhanaŭ paśla padziej 2020 hoda.
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki26
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1616
Kamientary
Tolko žie staťja była o sotrudnikie Hubopa,kotoryj vniedriłsia pieriedał vsiu informaciju siłovikam.
Mnoho ludiej tiepieŕ sidit.
Nie znaju,kto tam siejčas v rukovodstvie ByPol,
byvšije sotrudniki ili nastojaŝije -
ja by im nie dovieriał.
Kak hovoritsia,byvšich sriedi nich nie byvajet.