Улады Польшчы прынялі рашэнне пабудаваць у мясцовасці Повідз на захадзе краіны ангары і склады, а таксама паліўную базу для амерыканскіх вайскоўцаў і верталётаў ВПС ЗША, паведамляе выданне wnp.pl.
У гэтай мясцовасці, як заявіў на брыфінгу віцэ-прэм’ер і міністр абароны краіны Марыюш Блашчак, размешчаная баявая авіяцыйная брыгада ЗША, узброеная ўдарнымі верталётамі Apache.
«Для гэтых верталётаў на працягу некалькіх гадоў мы падрыхтуем базу ў выглядзе ангараў і складоў, а таксама паліўную базу, каб верталёты маглі дзейнічаць з Повідза», — удакладніў Блашчак.
Паводле слоў міністра, Повідз «ператвараецца ў вайсковы комплекс, рыхтуецца падтрымліваць польскія сілы і сілы НАТА на ўсходнім флангу Паўночнаатлантычнага альянсу». Гэтым летам там пачалося будаўніцтва склада для боепрыпасаў ЗША.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску29
Каментары