Здароўе44

Што рэальна дапамагае ад пахмелля?

Прадуктаў, якія, як сцвярджаецца, дапамагаюць на наступны дзень пасля бурнай ночы, на рынку многа. Што з іх сапраўды дапамагае?

Фота: vecteezy

Асартымент сродкаў ад пахмелля нямала — ад рэбрэндаваных старых лекаў да новых спецыялізаваных саставаў. Іх вытворцы абяцаюць палёгку на наступны дзень пасля свят. Прадаюцца розныя шыпучыя таблеткі, прызначаныя для «зняцця пахмелля», вадкія электралітычныя дабаўкі на ноч і нават пластыры з вітамінам В1. Нарэшце, нікуды не дзеўся і класічны цытрамон.

Што выклікае пахмелле?

Пахмелле — пабочны прадукт вострай адмены алкаголю. Калі ваш арганізм перапрацоўвае алкаголь, ён расшчапляе яго да ацэтальдэгіду — бясколернага хімічнага злучэння. Ацэтальдэгід, па сутнасці, з'яўляецца атрутай; і калі вашаму арганізму цяжка яго метабалізаваць, тады сэрцабіццё пачашчаецца, і вам можа стаць млосна. Акрамя таго, непрыемныя сімптомы пахмелля — патлівасць, дыярэя, млосць. Усё гэта абязводжвае ваш арганізм і можа выклікаць моцныя галаўныя болі.

Ноч

Стандартная парада нумар адзін, як пазбегнуць пахмелля або палегчыць яго, ​​па-ранейшаму адна: піце ў меру, запівайце алкаголь і не піце на пусты страўнік.

Ваш выбар алкагольных напояў таксама мае значэнне. Светлае піва, белае віно арганізм, як правіла, прымае лягчэй. Цёмныя алкагольныя напоі, такія як бурбон, ром, віскі і чырвонае віно, могуць выклікаць горшае пахмелле. Гэта адбываецца таму, што працэс закісання, які пацямняе іх, выдзяляе злучэнні, званыя кангенерамі, якія могуць узмацніць ваша жахлівае самаадчуванне, калі цела працуе над іх расшчапленнем. Салодкія кактэйлі (у тым ліку з газаванымі напоямі) таксама могуць спрыяць дрэннай раніцы. Яны першапачаткова падвышаюць узровень цукру ў крыві, а потым, калі гэты ўзровень зніжаецца, вы адчуваеце стомленасць і слабасць.

Прымаць аспірын ці цытрамон пасля ўжывання алкаголю забаронена катэгарычна — гэта можа выклікаць язву страўніка. Але абязбольваючае можа палепшыць ваш стан, калі вы прачняцеся.

Раніца пасля

Гідратацыя не менш важная на наступны дзень, каб палегчыць галаўны боль і папоўніць запас вадкасці. Для большасці людзей будзе дастаткова звычайнай пітной вады або газаваных напояў. Піце вадкасць, пакуль ваша мача не стане бледна-жоўтай. 

Згодна з агульнапрынятым меркаваннем, кафеін можа дапамагчы. Кубак кавы, добры чай могуць быць такімі ж эфектыўнымі, як і кафеін у цытрамоне.

Што датычыць розных аздараўленчых напояў і пластыраў ад пахмелля, многія з іх па сутнасці з'яўляюцца вітаміннымі кактэйлямі. Агляд 82 прадуктаў ад пахмелля выявіў, што 51 з іх змяшчае адзін або некалькі вітамінаў, якія перавышаюць сутачную рэкамендаваную дозу. Важна папаўняць вітаміны пасля ўжывання, але лепш атрымліваць іх з натуральных харчовых крыніц.

Класічны сняданак — яйкі, бульба, сыр, гародніна — забяспечыць вас вітамінамі B, C і цынкам у тых жа дозах, што і «сродкі ад пахмелля». 

Але галоўнае — не забывацца пра параду нумар адзін. Піце ў меру. Што занадта — тое не на здароўе.

Каментары4

  • Другого не дано
    01.01.2023
    От похмелья помогает правильное опохмелье...
  • гоблен
    02.01.2023
    Спонсор статьи - Сатан
    Кстати, не слышно его
    Уж не отравилсо ль?
    Алкоголем
  • а вы что влюбились? без него не можете ̶п̶жить?
    02.01.2023
    скажите - как тот, в чьем алкоголе следов крови не обнаружено, может отравиться алкоголем?

Цяпер чытаюць

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі3

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Усе навіны →
Усе навіны

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка10

Мінскія ўлады ўжо абмяркоўваюць ідэю Лукашэнкі запусціць трамваі ў метро14

Людзі спяшаюцца перабрацца з Расіі ў Эстонію1

Выйдзе працяг «Адзін дома» з Макалеем Калкіным

Мінчане купілі пустуючую хату за 2300 рублёў і вяртаюць яе да жыцця5

Чаму ўсё новае цяпер выглядае крыху вінтажным1

У Мінску прадаюць чарэшні па касмічнай цане1

Вадзім Галыгін: Я крыху стаміўся ад гумару. Хочацца паспрабаваць нешта іншае8

У Мексіцы затрымалі аднаго з найбольш шуканых наркабаронаў — за інфармацыю пра яго абяцалі $5 млн

больш чытаных навін
больш лайканых навін

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі3

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Галоўнае
Усе навіны →

Заўвага:

 

 

 

 

Закрыць Паведаміць