Якія інавацыі і тэхналогіі здаваліся шматабяцальнымі, але ў 2022 годзе спынілі сваё існаванне? Ад iPod да Blackberry OS
Выданне Wall Street Journal склала спіс тых вынаходак і інавацый, якія, нягледзячы на створаны ажыятаж у пачатку свайго існавання, не апраўдалі сябе і ў 2022 годзе сышлі на спачын. Унізе коратка пра іх.
1. Meta Portal (2018—2022)
Нягледзячы на крутыя функцыі з відэазванкамі, Portal так і не атрымаў масавай папулярнасці — нават падчас марафонаў Zoom і буму відэамесенджараў, звязаных з Covid-19. Пасля таго, як Facebook ператварыўся ў Meta і сканцэнтраваўся на сваім асноўным бізнэсе і развіцці метасусвету, кампанія канчаткова адмовілася ад гэтага прадукту.
2. Snap Pixy (2022—2022)
Пакетаў малака хапае на больш працяглы час, чым маленькага жоўценькага дрона Pixy — на фота— і відэаздымкі. Яшчэ па выхадзе Pixy быў на вышыні, але не прайшло і года, як яго вытворца Snapchat апынуўся ў цяжкім фінансавым становішчы і прыпыніў праект.
3. iPod (2001—2022)
Пасля двух дзесяцігоддзяў эксплуатацыі iPod Apple абвясціла ў траўні 2022-га, што спыняе выпуск яго апошняй мадэлі — iPod Touch. Прычына такога рашэння — бессэнсоўнасць на фоне існавання Iphone і іншых прылад для патокавай перадачы музыкі.
4. Google Stadia (2019—2022)
Запушчаны кампаніяй Google воблачны сэрвіс відэагульняў, па грандыёзнай задумцы, павінен быў змяніць гейм-індустрыю. Але замест гэтага Stadia не заваявала папулярнасці ў карыстальнікаў і не выпусціла на сваёй платформе ніводнай папулярнай відэагульні.
5. Amazon Cloud Cam (2017—2022)
Cloud Cam, адна з першых у лінейцы Amazon відэакамер хатняй бяспекі, падключаная да сістэмы разумнага дома Alexa, была хутка выцесненая сваімі больш паспяховымі аналагамі Ring і Blink (таксама ад Amazon). У выніку Cloud Cam быў зняты з вытворчасці і ўсім яго ўладальнікам Amazon прапанаваў замяніць мадэль на больш сучасны Blink Mini.
6. Kindle Newsstand (2011—2022)
Адной са спробаў Amazon падагрэць ажыятаж вакол свайго планшэта Fire было стварэнне Kindle Newsstand — сэрвісу падпіскі на газеты і часопісы. Праз дзесяць гадоў высветлілася, што людзі аддаюць больш перавагі сапраўдным часопісам альбо інтэрнэт-СМІ.
7. BlackBerry OS (1999—2022)
4 студзеня 2022 года кампанія BlackBerry спыніла абслугоўванне свайго праграмнага забеспячэння, на якім працуюць яе старыя, але вельмі надзейныя прылады — другія па значнасці смартфоны ў гісторыі. Тэлефоны BlackBerry на базе Android усё яшчэ працягваюць працаваць, аднак рашэнне кампаніі азначае канец цэлай эпохі супербяспечных прылад.
Цяпер чытаюць
Бліжэйшым часам будуць вызвалены больш за 150 палітзняволеных29
Каментары