6 студзеня раптоўна памёр Ілля Далжанкоў, удзельнік знакамітага беларускага фолк-гурта Osimira, у якім музыкант адыграў амаль 20 гадоў, паведамляе «Будзьма».
Менавіта ў гэты перыяд гурт апынуўся на вяршыні сваёй творчай актыўнасці. Бесперапынная гастрольная дзейнасць па краіне і ў замежжы, кантракты з вядомымі гастрольнымі агенцтвамі, удзел у шматлікіх найбуйнейшых фестывалях у краінах Усходняй Еўропы.
Гэта калі не ўлічваць выступленняў у вялікіх і малых канцэртных залах блізкага замежжа і роднай краіны. Заўсёды з імпэтам і цікавасцю Ілля Далжанкоў удзельнічаў ва ўсіх падарожжах свайго гурта. Трэба адзначыць, што ў невялікія перапынкі паміж паездкамі Ілля тут жа браўся за справу падтрымання сям’і — у розныя часы ён меў працы, звязаныя з будоўляй і прамысловым альпінізмам.
Апошнім часам працаваў ахоўнікам у школе, разам з былым удзельнікам гурта Osimira, дударом Кастусём Канцавым, які працаваў у той жа школе ў якасці мастака.
Трагічнае здарэнне адбылося ўвечары, калі Ілля Далжанкоў ужо скончыў працу — папярэдне ён заступіў на вахту і расчысціў снег. Меркавана, прычынай крызісу арганізма пасля нагрузкі магла стаць праца сэрца.
Сціплая манера паводзінаў, інтэлігентнасць, эрудыцыя і, галоўнае, — неверагоднае пачуццё гумару — вось адметныя рысы гэтага шчырага і таленавітага чалавека, якія застануцца ў памяці сяброў і калег назаўсёды.
Развітанне адбудзецца 9 студзеня, музыканта пахаваюць у Магілёве на Лаўсанаўскіх могілках.
Цяпер чытаюць
Сёстры Груздзевы цяпер важаць пад 100 кілаграмаў кожная14
Сёстры Груздзевы цяпер важаць пад 100 кілаграмаў кожная
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе9
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў1010
Каментары