Гэты метал патрэбны для перадавых вайсковых і касмічных тэхналогій.
Тытан — гэта лёгкі, але трывалы метал, які выкарыстоўваецца пры распрацоўцы сучасных вайсковых знішчальнікаў, верталётаў, караблёў, танкаў, ракет вялікай далёкасці, касмічных апаратаў і многіх іншых тэхналогій.
Выданне Newsweek піша, што абаронная прамысловасць мае вялікую патрэбу ў бесперабойных пастаўках тытану. Напрыклад, доля імпарту гэтага металу ў ЗША складае 90%, а сама краіна афіцыйна лічыць яго адным з найважнейшых элементаў сваёй эканамічнай і нацыянальнай бяспекі.
Украіна ж — адна з пяці краін-вытворцаў тытанавых руд у свеце: на яе тэрыторыі знаходзіцца 20% сусветных запасаў гэтага металу. Як адзначае выданне, у выпадку захопу Украіны Расія магла б дыктаваць усяму свету ўмовы продажу тытану.
Крыніца, звязаная з амерыканскай абароннай прамысловасцю, сказала, што тытан неабходны краінам свабоднага свету для будучага стрымлівання Кітая і Расіі.
Як адзначае выданне, тытан настолькі патрэбны сучаснай прамысловасці, што расійскія вытворцы тытану не папалі пад санкцыі. Больш за тое, аэракасмічны гігант Boeing мае сумеснае прадпрыемства з расійскай кампаніяй «Авісма» — найбуйнейшым у свеце экспарцёрам тытану. А еўрапейскі Airbus, нягледзячы на вайну ва Украіне, працягвае купляць тытан у Расіі.
Чытайце яшчэ:
Полк Каліноўскага фармуе механізаванае падраздзяленне
Белы дом: Нашы танкі дапамогуць Украіне вызваліць усю сваю тэрыторыю. А Крым — гэта Украіна
Італія і Францыя дамовіліся аб сумеснай перадачы Украіне сістэмы СПА SAMP/T
Цяпер чытаюць
Андрэя Пачобута памянялі на лукашэнкаўскіх шпіёнаў, арыштаваных у Польшчы39
Каментары