Пра планы падчас візіту ў Зімбабвэ распавяла кіраўнік канцэрна «Беллегпрам» Таццяна Лугіна.
«Мы зацікавіліся, што ж тут па гарбарнай, абутковай тэме. Даведаліся, што тут вырошчваюць бавоўну. Ужо адна наша рабочая дэлегацыя выязджала ў снежні — быў першы дэсант па вывучэнні вытворчых магутнасцяў гарбарных заводаў. Плюс да нас звярнулася міністр прамысловасці Зімбабвэ ў частцы тэхнічнай і кансультацыйнай дапамогі, каб мы, маючы пэўныя кампетэнцыі, дапамаглі ім, падказалі, у якім кірунку развіваць гарбарны бізнэс.
У нас ёсць некалькі варыянтаў развіцця. Можна зноў жа праз розныя схемы прапанаваць ім увесь тэхналагічны ланцужок апрацоўкі шкур. Мы будзем наведваць гарбарныя заводы, паглядзім на якасць шкур. Тое ж самае па бавоўне. Тут ёсць дастаткова буйное прадпрыемства. Таму таксама будзем абмяркоўваць, які аб'ём яны змогуць зарэзерваваць пад пастаўку на беларускі рынак», — распавяла БелТА кіраўнік канцэрна.
Таццяна Лугіна таксама падзялілася падрабязнасцямі сустрэчы з кіраўніком мясцовай паліцыі. «Мы прывезлі вялікія каталогі, узоры нашых тканін з адмысловымі ўласцівасцямі, з рознымі апрэтамі. Прывезлі ўзоры нашага абутку спецыяльнага прызначэння, які можа падысці як для ваенізаваных структур, так і для спецвыкарыстання», — падкрэсліла кіраўнік «Беллегпрама».
Цяпер чытаюць
Міністр сувязі: Абмежаванні мабільнага інтэрнэту закрануць 1,7 мільёна беларусаў9
Каментары