Еўрабачанне-2023 прадставіла афіцыйны лагатып. У ім сумешчаныя колеры дзвюх краін
З-за агрэсіі Расіі ва Украіне фінал Еўрабачання-2023 перанесены з Украіны ў Вялікабрытанію, але брытанцы робяць усё магчымае, каб аддаць належнае леташнім украінскім пераможцам.
Прэстыжнае музычнае спаборніцтва пройдзе ў горадзе Ліверпулі.
Арганізатары прэзентавалі свой лагатып у выглядзе сэрцаў у нацыянальных колерах Украіны і Вялікабрытаніі, якія «змагаюцца ва ўнісон».
Класічнае шматслойнае сэрца ў сінім, жоўтым, ружовым і фіялетавым колерах стане сімвалам шоу, якое пройдзе пад лозунгам «Мы аб’яднаныя музыкай».
У 2022 годзе ў конкурсе перамагла ўкраінская рэп-група Kalush Orchestra, таму фінал 2023 года павінен быў бы прайсці ва Украіне. Але яшчэ ў чэрвені стала зразумела, што правесці конкурс у краіне, дзе працягваецца вайна, немагчыма. У выніку фінал конкурсу быў перанесены ў Вялікабрытанію, выканаўца з якой летась заняў другое месца.
Вялікі фінал спаборніцтваў адбудзецца на Liverpool Arena ў суботу, 13 мая, а паўфіналы — 9 і 11 мая. Удзельнікі з Украіны аўтаматычна праходзяць у галоўны фінал разам з так званай «Вялікай пяцёркай», у якую ўваходзіць і Вялікабрытанія.
Украіну гэтым разам будзе прадстаўляць гурт Tvorchi («Творчыя»), які грае электронную музыку. Беларусы ад удзелу ў Еўрабачанні адхіленыя з 2021 года за грахі рэжыму Лукашэнкі.
Здзелка Трампа з Пуціным: чым за яе могуць заплаціць Украіна і Беларусь19
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары