Jeŭrabačańnie-2023 pradstaviła aficyjny łahatyp. U im sumieščanyja kolery dźviuch krain
Z-za ahresii Rasii va Ukrainie finał Jeŭrabačańnia-2023 pieraniesieny z Ukrainy ŭ Vialikabrytaniju, ale brytancy robiać usio mahčymaje, kab addać naležnaje letašnim ukrainskim pieramožcam.
Prestyžnaje muzyčnaje spabornictva projdzie ŭ horadzie Livierpuli.
Arhanizatary prezientavali svoj łahatyp u vyhladzie sercaŭ u nacyjanalnych kolerach Ukrainy i Vialikabrytanii, jakija «zmahajucca va ŭnison».
Kłasičnaje šmatsłojnaje serca ŭ sinim, žoŭtym, ružovym i fijaletavym kolerach stanie simvałam šou, jakoje projdzie pad łozunham «My abjadnanyja muzykaj».
U 2022 hodzie ŭ konkursie pieramahła ŭkrainskaja rep-hrupa Kalush Orchestra, tamu finał 2023 hoda pavinien byŭ by prajści va Ukrainie. Ale jašče ŭ červieni stała zrazumieła, što pravieści konkurs u krainie, dzie praciahvajecca vajna, niemahčyma. U vyniku finał konkursu byŭ pieraniesieny ŭ Vialikabrytaniju, vykanaŭca ź jakoj letaś zaniaŭ druhoje miesca.
Vialiki finał spabornictvaŭ adbudziecca na Liverpool Arena ŭ subotu, 13 maja, a paŭfinały — 9 i 11 maja. Udzielniki z Ukrainy aŭtamatyčna prachodziać u hałoŭny finał razam z tak zvanaj «Vialikaj piaciorkaj», u jakuju ŭvachodzić i Vialikabrytanija.
Ukrainu hetym razam budzie pradstaŭlać hurt Tvorchi («Tvorčyja»), jaki hraje elektronnuju muzyku. Biełarusy ad udziełu ŭ Jeŭrabačańni adchilenyja z 2021 hoda za hrachi režymu Łukašenki.
Ciapier čytajuć
«Niečym treba zaŭsiody achviaravać. Mnie pryjšłosia achviaravać siamjoj»: syn Iny Afanaśjevaj pra pavaroty losu9
Kamientary