Пракуратура заявіла пра першы зварот у «камісію для эмігрантаў». А гэта была рэдактарка «Белсата»
Начальніца ўпраўлення Генпракуратуры Анжаліка Курчак паведаміла, што звароты на электронную пошту толькі што створанай камісіі нібыта пачалі прыходзіць практычна адразу. Крыху падрабязней, праўда, яна расказала толькі пра адзін зварот, які камісію не задаволіў.
Першай у камісію, па словах Курчак, напісала 35-гадовая жыхарка Мінска, якая з'ехала за мяжу ў кастрычніку 2020 года. Але яе зварот не залічаны, бо ў ім няма прызнання і пакаяння.
«Яна не паведаміла пра ўчыненыя ёй правапарушэнні ці злачынствы, а выказала толькі боязь з-за яе магчымай датычнасці да супрацьпраўных дзеянняў. Пры гэтым не падала іншых звестак, неабходных пасля такога звароту», — сказала чыноўніца.
Па словах прадстаўніка Генпракуратуры, камісія разгледзіць зварот, калі ён будзе дапоўнены.
Як аказалася, ліст той адправіла рэдактарка «Белсата» Вольга Ярохіна (толькі ёй не 35, а 37 гадоў). У тэксце звароту яна не стала раскайвацца і папрасіла наведаць Беларусь аднойчы, а не вярнуцца назаўсёды.
Чытайце таксама:
«Товарищ прокурор, поговори со мною». Стварэнне камісіі пад кіраўніцтвам Шведа натхніла на творчасць Паўла Лібера ВІДЭА
Апублікавалі склад камісіі, якая будзе вызначаць лёс «збеглых». Ён дэманстратыўна адыёзны
Генпракуратура расказала, куды пісаць, каб пакаяцца перад Лукашэнкам
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары