У Беларусі з'явіліся турыстычныя маршруты, пры распрацоўцы якіх былі выкарыстаныя нейронныя сеткі. Пра гэта расказаў кіраўнік турыстычнага праекта «Пазнай Кобрын» Віктар Лагвіновіч на прэс-канферэнцыі 17 лютага, піша выданне «Смартпрэс».
«Стварэнне турыстычных маршрутаў даволі працаёмкае з-за неабходнасці аналізу вялікага аб'ёму інфармацыі. Нейронныя сеткі могуць хутка знаходзіць аптымальныя рашэнні, якія застанецца толькі трохі скаардынаваць», — адзначыў Лагвіновіч.
Нейрасеткі, у прыватнасці, дапамагаюць аптымізаваць маршрут, ствараць індывідуальныя маршруты і персаналізаваныя прапановы для кожнага турыста.
Па словах Лагвіновіча, пры дапамозе сеткі Color Pixel, навучанай ператвараць чорна-белыя фатаграфіі ў каляровыя і паляпшаць малюнкі, у рэгіёне былі створаны турыстычныя маршруты «Назад у 80-я», «Назад у 60-я» і «Назад у 40-я».
Яшчэ адзін маршрут «Падарожжа ў часе» дазваляе азнаёміцца з гістарычнымі месцамі і помнікамі, якія сёння ўжо не існуюць, але захаваліся на фотаздымках.
Іншая нейрасетка, Go Travel, якая дазваляе праводзіць аўтаматычны аналіз турыстычных месцаў, вылучыла самыя папулярныя віды турызму ў Кобрыне. Імі аказаліся гісторыка-культурны, паломніцкі, гастранамічны, міфалагічны, індывідуальна-сямейны.
З дапамогай гэтай нейрасеткі быў сфармаваны маршрут у сферы паломніцкага турызму — «Шлях па старажытных храмах: ад сабораў да старадаўніх цэркваў». Пры гэтым сетка аўтаматычна праклала самую кароткую адлегласць на карце, каб наведаць гэтыя аб'екты.
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім12
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3333
Каментары