Грамадства1818

Ціханоўская ў Мюнхене размаўляла з Олафам Шольцам і кіраўніком яго канцылярыі

Святлана Ціханоўская разам з дэлегацыяй свайго Офіса і Аб’яднанага пераходнага кабінета падчас Мюнхенскай канферэнцыі па бяспецы правяла сустрэчу з федэральным канцлерам Германіі Олафам Шольцам, паведамляе прэс-служба Ціханоўскай. 

Святлана Ціханоўская з Олафам Шольцам. Фота: прэс-служба Ціханоўскай

Падчас сустрэчы абмеркавалі неабходнасць новай скаардынаванай стратэгіі ў абарону беларускай незалежнасці.

Таксама адбылася сустрэча з кіраўніком канцылярыі Шольца Вольфгангам Шмітам. Яны абмеркавалі будучыню бяспекі ў рэгіёне і агульную стратэгію ў Міжмор’і, дзе Беларусь — адзін з ключавых элементаў бяспекі.

На сустрэчы гаварылі і пра канцэпцыю кааліцыі ў падтрымку дэмакратычнай Беларусі. Ціханоўская папрасіла Германію стаць адным з лідараў такой кааліцыі, каб выступіць гарантам мірнага пераходу ад дыктатуры да дэмакратыі, вываду расійскіх войскаў, распрацоўку плана адбудовы Беларусі і плана Маршала для нашай краіны.

Святлана Ціханоўская з Вольфгангам Шмітам. Фота: прэс-служба Ціханоўскай

Акрамя нямецкіх палітыкаў, Ціханоўская правяла сустрэчы і з іншымі ўплывовымі ў заходнім свеце асобамі. Адным з яе суразмоўцаў стаў амерыканскі амбасадар Майкл Макфол. Ён адзін з былых амбасадараў ЗША і цяпер актыўна працуе ў дапамозе Украіне і Беларусі.

З ім Ціханоўская гаварыла пра тое, якім чынам вярнуць Беларусь у парадак дня, вызваліць палітвязняў, зрабіць санкцыі больш эфектыўнымі. Сярод іншага абмяркоўвалася стварэнне кааліцыі ў падтрымку дэмакратычнай Беларусі з розных краін, якія будуць сістэматызаваць працу і стратэгію бачання сітуацыі па Беларусі, а таксама ўдзел экспертнай, прафесійнай супольнасці ў падрыхтоўцы праграмы рэформаў для новай Беларусі.

Таксама Ціханоўская сустрэлася з міністаркай замежных спраў Ісландыі, якая зараз старшынюе ў Радзе Еўропы. Абмяркоўвалася пашырэнне ўдзелу Беларусі ў праектах Рады Еўропы, развіццё кантактнай групы ў межах Рады Еўропы. У кантактную групу ўвайшлі 10 прадстаўнікоў беларускай грамадзянскай супольнасці і дэмакратычных сілаў.

Абмяркоўвалі сярод іншага і дакументы новай Беларусі, з якімі беларусы маглі б падарожнічаць, знаходзіцца легальна на тэрыторыі Еўрапейскага саюза, а таксама мець магчымасць выязджаць. У выніку дамовіліся адносна рэгулярных кансультацый, некалькіх сустрэч у найбліжэйшы час і канкрэтныя праграмы падтрымкі.

Пасля Святлана Ціханоўская правяла працоўную сустрэчу з еўракамісаркай па ўнутраных справах Ільвай Ёхансан. На сустрэчы быў прадстаўлены праект дакумента, які дапаможа беларусам ідэнтыфікавацца за мяжой, пацвярджаць сваё грамадзянства, а ў ідэале — падарожнічаць. У сакавіку-красавіку адбудуцца кансультацыі з міністрамі замежных спраў па пытаннях выдачы такіх часовых дакументаў і спрашчэння знаходжання беларусаў.

Святлана Ціханоўская з Ільвай Ёхансан. Фота: прэс-служба Ціханоўскай

Акрамя таго, абмеркавалі і спрашчэнне візавых працэдур. Ціханоўская заклікала да пашырэння практыкі выдачы гуманітарных віз, якія дазваляюць беларусам выязджаць з краіны, падаўжэння тэрміну і выдачы доўгатэрміновых шэнгенскіх віз на 2, 3 і 5 гадоў.

Таксама гаварылі пра спрашчэнне выдачы міграцыйных дакументаў беларусам, якія знаходзяцца на тэрыторыі ЕС: каб не патрабавалі апастыль, даведкі аб несудзімасці, а сам тэрмін разгляду дакументаў быў хутчэйшы ў дачыненні да беларусаў. Гаварылі таксама пра магчымасць адкрыцця гуманітарных калідораў у выпадку эскалацыі і на выпадак закрыцця межаў.

Чытайце таксама:

Шольц заклікаў усіх саюзнікаў даць танкі Украіне проста цяпер, а Макрон сказаў пра нясвоечасовасць дыялогу

Сорас: Перамога Украіны будзе спрыяць распаду Расійскай імперыі

Каментары18

  • Ха ха ха
    17.02.2023
    Вось яшчэ і яшчэ адна размова і пераможам)))
  • Магатэ
    17.02.2023
    НН, удакладладнице кали ласка ци запланавана сустрэча з Гросси у справе распрацоуки мирнага атама у Беларуси. Дзякуй
  • volodja volodjevich
    17.02.2023
    кгбэшнікі, фсбэшнікі, ябацькі і карысныя ідыёты Пазняка объединяйтесь. Ціханоўская сустрэлася, Ціханоўская сказала!

Цяпер чытаюць

Як за год змянілася колькасць беларусаў у Літве. Лічбы ўражваюць10

Як за год змянілася колькасць беларусаў у Літве. Лічбы ўражваюць

Усе навіны →
Усе навіны

Латушка: Муж Мельнікавай пакінуў Польшчу 3 сакавіка15

«Разлічваць няма на што». Адміністрацыя Трампа замарозіла фінансаванне стыпендый, па якіх вучацца ў тым ліку і беларусы7

«Дзень вызвалення Амерыкі». Дональд Трамп абвясціў усяму свету гандлёвую вайну27

«Бачу помсту за маю працу». Вольга Сямашка адрэагавала на расследаванне «НН» 48

Пасол Расіі апалчыўся на палітэмігрантаў за «паўзучую паланізацыю» Беларусі23

Суўладальніка «Варгеймінга» Мікалая Кацалапава абвінавачваюць у данатах апазіцыйным структурам на сотні тысяч даляраў11

Ці сапраўды дэлегаты КР адмовіліся праходзіць паліграф? Краўцоў адказвае Жыгару28

У М'янме з-за землятрусу нават на месяц спыняюць грамадзянскую вайну2

Жанчына хацела прадаць рэчы на «Куфры» і ледзь не засталася без грошай1

больш чытаных навін
больш лайканых навін

Як за год змянілася колькасць беларусаў у Літве. Лічбы ўражваюць10

Як за год змянілася колькасць беларусаў у Літве. Лічбы ўражваюць

Галоўнае
Усе навіны →

Заўвага:

 

 

 

 

Закрыць Паведаміць