Прэзідэнт Украіны Уладзімір Зяленскі зацвердзіў 19 лютага новыя санкцыі супраць 332 расіян, аднаго беларуса і Маскоўскай біржы. З беларусаў пад санкцыі трапіў былы прэм'ер-міністр Сяргей Румас.
Згодна з апублікаваным на сайце прэзідэнта Украіны дакументам, у дачыненні да Сяргея Румаса ўводзяцца, сярод іншага, наступныя санкцыі:
— блакаванне актываў — часовае пазбаўленне права карыстацца і распараджацца актывамі, якія належаць фізічнай або юрыдычнай асобе, а таксама актывамі, у дачыненні да якіх такая асоба можа прама ці ўскосна здзяйсняць дзеянні, тоесныя распараджэнню імі;
— поўная забарона на здзяйсненне гандлёвых аперацый;
— абмежаванне, частковае або поўнае спыненне транзіту рэсурсаў, палётаў і праезду па тэрыторыі Украіны (поўнае спыненне);
— забарона на вывад капіталаў за межы Украіны;
— прыпыненне выканання эканамічных і фінансавых абавязацельстваў;
— забарона на перадачу тэхналогій і правоў на аб'екты права інтэлектуальнай уласнасці;
— забарона на набыццё ва ўласнасць зямельных участкаў.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1515
Каментары
Адзіны з табара варты павагі
Хіба яго заўважалі ў падтрымцы РФ у вайне?