Маніторынгавы канал «Беларускі Гаюн» паведаміў, наколькі, па яго звестках, можна верыць лукашэнкаўскім прапагандыстам, якія сцвярджаюць, што пацярпелы ад дыверсіі на аэрадроме «Мачулішчы» расійскі самалёт А-50У нібыта заступіў на баявое дзяжурства, займаўся аблётам дзяржаўнай мяжы Беларусі і вылятаў сустракаць Лукашэнку з Кітая.
Самалёт ДРЛА А-50У, паводле звестак канала, сапраўды ўзляцеў з аэрадрома Мачулішчы яшчэ ў 12:35 па беларускім часе.
Прапагандысцкія рэсурсы паказвалі кадры ўзлёту самалёта, але да гэтага часу не паказалі кадраў яго пасадкі, хоць звычайна ДРЛА знаходзіцца ў паветры ў сярэднім па 2,5-3 гадзіны за адну палётную змену.
Хоць прэс-служба Лукашэнкі пісала, што гэты самалёт нібыта паспяхова сустрэў, правёў і забяспечыў сумесна з групай знішчальнікаў бяспеку яго самалёта пры пасадцы і паказала відэа, якое было знятае са знішчальніка суправаджэння падчас вылету А-50У ўу РФ. Але борт Лукашэнкі прызямліўся ў Мінску ў 18:19, то-бок праз 6 гадзін пасля ўзлёту А-50У, які ў сярэднім лётае да 3-х гадзін.
Таму «Беларускі Гаюн» настойвае, што самалёт ДРЛА паляцеў на 325-ы авіяцыйны рамонтны завод, які знаходзіцца ў Таганрогу, і пакінуў паветраную прастору Беларусі прыблізна праз 40 хвілін пасля ўзлёту.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў30
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары