Manitorynhavy kanał «Biełaruski Hajun» paviedamiŭ, nakolki, pa jaho źviestkach, možna vieryć łukašenkaŭskim prapahandystam, jakija śćviardžajuć, što paciarpieły ad dyviersii na aeradromie «Mačuliščy» rasijski samalot A-50U nibyta zastupiŭ na bajavoje dziažurstva, zajmaŭsia ablotam dziaržaŭnaj miažy Biełarusi i vylataŭ sustrakać Łukašenku z Kitaja.
Samalot DRŁA A-50U, pavodle źviestak kanała, sapraŭdy ŭźlacieŭ z aeradroma Mačuliščy jašče ŭ 12:35 pa biełaruskim časie.
Prapahandysckija resursy pakazvali kadry ŭźlotu samalota, ale da hetaha času nie pakazali kadraŭ jaho pasadki, choć zvyčajna DRŁA znachodzicca ŭ pavietry ŭ siarednim pa 2,5-3 hadziny za adnu palotnuju źmienu.
Choć pres-słužba Łukašenki pisała, što hety samalot nibyta paśpiachova sustreŭ, pravioŭ i zabiaśpiečyŭ sumiesna z hrupaj źniščalnikaŭ biaśpieku jaho samalota pry pasadcy i pakazała videa, jakoje było źniataje sa źniščalnika supravadžeńnia padčas vyletu A-50U ŭu RF. Ale bort Łukašenki pryziamliŭsia ŭ Minsku ŭ 18:19, to-bok praz 6 hadzin paśla ŭźlotu A-50U, jaki ŭ siarednim lotaje da 3-ch hadzin.
Tamu «Biełaruski Hajun» nastojvaje, što samalot DRŁA palacieŭ na 325-y avijacyjny ramontny zavod, jaki znachodzicca ŭ Tahanrohu, i pakinuŭ pavietranuju prastoru Biełarusi pryblizna praz 40 chvilin paśla ŭźlotu.
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała18
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary