Ва Украіну прыбылі першыя нямецкія танкі «Леапард 2». Вайсковы эксперт Алег Жданаў параўноўвае снарады нямецкага баявога танка (120 мм) са снарадамі, якія выкарыстоўвае танк, што знаходзіцца на ўзбраенні ў расійскай арміі (125 мм).
У сваім відэастрыме эксперт выказаў думку, што, нягледзячы на розніцу ў дыяметры на карысць Т-72, снарад нямецкага танка больш магутны. Прычына гэтага ў больш высокай якасці выбуховых рэчываў, якія выкарыстоўваюцца на Захадзе. Да таго ж корпус снарада зроблены са сталі больш высокай якасці. У выніку сценкі ў снарадаў заходняй вытворчасці больш тонкія, што дазваляе туды змясціць больш выбуховага рэчыва.
У снарада савецкай (постсавецкай) вытворчасці больш тоўстыя сценкі. Там выкарыстоўваецца вугляродзістая сталь. Яна павінна быць крохкай, каб разлятацца на вялікую колькасць асколкаў. Але ў гэтым снарадзе меней выбуховага рэчыва.
Другі аспект — порах, які выкарыстоўваецца пры выстрале. Нямецкі танк выкарыстоўвае гатункі пораху лепшыя па сваім складзе ў параўнанні з тымі, што выкарыстоўваюць для танка Т-72. Гэты порах больш сінтэтычны і лепшы, таму адпаведна і далёкасць прамога стрэлу большая. А гэта асноўны паказчык агнявых магчымасцей гарматы танка. Страляць неабходна хутка і трапна.
Эксперт дадаў, што па такой тэхнічнай характарыстыцы, як стабілізацыя ствала ў ходзе стрэлаў, «Леапард 2» нашмат лепшы ў параўнанні з Т-72, што таксама вельмі важна, бо ад гэтага залежыць дакладнасць.
Чытаць яшчэ:
Эксперт патлумачыў, што лепшае: расійскія БМП ці «Брэдлі»
-
«Штурмы ў крэдыт». Чым адрозніваецца фронт у справаздачах расійскага Генштаба ад рэальнасці
-
Расія нанесла ракетны ўдар па Дняпры. Загінулі 5 чалавек, каля 30 атрымалі раненні
-
Заснавальніка найбуйнейшага ўкраінскага вытворцы дронаў, кампаніі Fire Point, спыталі пра ўзровень беларускай СПА. Яго адказ здзівіў
Цяпер чытаюць
Гістарычныя +40,4°C у Пінску — гэта толькі разагрэў. Беларусь уваходзіць у новую кліматычную эру і на вачах стане лесастэпам1
Каментары