Культура1717

Аршанскія ўлады адмовіліся змяніць рускамоўную частку мемарыяльнай дошкі ў гонар Уладзіміра Караткевіча

Размова — пра надпіс на мемарыяльнай дошцы, прысвечанай пісьменніку Уладзіміру Караткевічу, якая была ўстаноўлена ў лістападзе мінулага года на будынку сярэдняй школы №3 Оршы. Пад адпаведным зваротам да ўлад было сабрана больш за сотню подпісаў, паведамляе «Народная Воля».

Падпісанты звароту апелявалі да артыкула 2 Кодэкса Рэспублікі Беларусь аб культуры, згодна з якім «грамадскія адносіны ў сферы культуры грунтуюцца на аснове прынцыпу прыярытэту развiцця беларускай нацыянальнай культуры і прызнання беларускай мовы адным з фактараў фарміравання нацыянальнага менталітэту»; а таксама артыкула 8, згодна з якім «напрамкамі дзяржаўнай палiтыкi ў сферы культуры з’яўляюцца захаванне, развiццё, распаўсюджванне і (або) папулярызацыя беларускай нацыянальнай культуры i мовы».

«Улічваючы неацэнны ўклад вялікага беларускага пісьменніка ў развіццё беларускай мовы і культуры, а таксама беларускае заканадаўства, просім замяніць мову мемарыяльнай дошкі на беларускую — мову пісьменніка», — гаварылася ў звароце неабыякавых жыхароў Віцебскага рэгіёна.

Аднак аршанскія ўлады гэтых аргументаў не пачулі.

Чыноўнікі спасылаюцца на тое, што памятная дошка складаецца з дзвюх частак. На адной размешчаны партрэт пісьменніка і тлумачальны надпіс пра яго на рускай мове. Другая частка — урывак з верша Уладзіміра Караткевіча «У дняпроўскіх хвалях, бы ў калысцы…» на беларускай мове.

Кажуць, гэта зроблена наўмысна, бо Караткевіч пісаў свае творы як на рускай, так і на беларускай мовах.

«У гады студэнцтва з 1949 па 1954 год (філалагічны факультэт Кіеўскага дзяржаўнага ўніверсітэта імя Т. Шаўчэнкі) пісьменнікам былі напісаны творы на рускай мове (аповесць «Предыстория», апавяданні «Скрипка поёт», «Клён», «Руки» і іншыя, верш «Тут будет канал»). Пасля заканчэння ўніверсітэта з 1954-га па 1958 год Караткевіч выкладаў рускую мову і літаратуру», — падмацавалі выканкамаўцы сваю пазіцыю фактамі з біяграфіі пісьменніка.

Яшчэ адным аргументам стала тое, што адукацыйны працэс у дзяржаўнай установе адукацыі «Сярэдняя школа № 3 г. Орша імя У. Караткевіча» ажыццяўляецца на рускай мове.

Так як, згодна з артыкулам 17 Канстытуцыі Рэспублікі Беларусь, дзяржаўнымі мовамі ў Рэспубліцы Беларусь з’яўляюцца беларуская і руская мовы, на думку намесніка старшыні Аршанскага райвыканкама Уладзіміра Калачова, «замена дошкі на будынку ўстановы адукацыі немэтазгодная».

Каментары17

  • Пціч
    10.03.2023
    Т.Шчытцова, В.Мажэйка, ўсё нармальна, праўда, без гвалту..?
  • Грышка
    10.03.2023
    Ганьба аршанскім уладам. Слава падпісантам звароту. Іхная ініцыятыва паказвае беларускую самапавагу й патрыятызм.
  • Ничего удивительного
    10.03.2023
    Оккупационная, русская власть никогда не позволит, чтобы у беларусов было своё, беларуское...

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць