«Узялі з доказамі злачынства». У Крамлі пракаментавалі затрыманне журналіста WSJ
У Крамлі заявілі, што журналіста The Wall Street Journal Эвана Гершковіча, падазраванага ў шпіянажы, затрымалі на месцы злачынства. Так прэс-сакратар прэзідэнта РФ Дзмітрый Пяскоў адказаў на просьбу журналістаў пракаментаваць інфармацыю аб затрыманні грамадзяніна ЗША ў Екацярынбургу.
«Гэта прэрагатыва ФСБ. Уласна, ужо была заява ад Федэральнай службы бяспекі. Тут нам няма чаго дадаць. Адзінае, што я магу сказаць, наколькі нам вядома, яго ўзялі з доказамі злачынства», — сказаў Пяскоў на брыфінгу, дадаўшы, што не ведае іншых дэталяў справы.
На пытанне, ці можа затрыманне Гершковіча справакаваць праверкі расійскіх карпунктаў у ЗША, прадстаўнік Крамля адказаў: «Мы спадзяваемся, што гэтага не будзе, і гэтага не павінна быць. Таму што яшчэ раз паўтараю: гаворка ідзе не пра падазрэнні, а гаворка ідзе пра тое, што ён быў затрыманы з доказамі злачынства».
Пра лёс карпункта The Wall Street Journal у Расіі Пяскоў сказаў наступнае: «Тыя, хто ажыццяўляе нармальную журналісцкую дзейнасць, зразумела, калі ў іх ёсць дзеючая акрэдытацыя, яны будуць далей працаваць. Тут ніякіх праблем не будзе»».
У Екацярынбургу журналіста The Wall Street Journal затрымалі па падазрэнні ў шпіянажы
Цяпер чытаюць
«Я больш не анархіст». Мікола Дзядок — пра турму, Бога і расчараванне ў ідэалогіях12
Каментары