У Екацярынбургу журналіста The Wall Street Journal затрымалі па падазрэнні ў шпіянажы
Журналіст выдання The Wall Street Journal Эван Гершкавіч перастаў выходзіць на сувязь са сваёй рэдакцыяй пасля паездкі ў Екацярынбург. Пра гэта паведамляе ўральскі піяршчык Яраслаў Шыршыкаў, піша тэлеканал «Дождь».
Са слоў Шыршыкава, Гершкавіч браў інтэрв'ю ў яго ў Екацярынбургу два тыдні таму. Са слоў піяршчыка, журналіста ў першую чаргу цікавіла, як у грамадстве ставяцца да «ПВК Вагнера».
Адпрацаваўшы некалькі дзён у Екацярынбургу, Гершкавіч паляцеў у Маскву, дзе, паводле інфармацыі выдання «Вячэрнія ведамасці», ён пражывае. Аднак сёння ноччу Шыршыкаву патэлефанавала начальства Гершкавіча і паведаміла, што журналіст вярнуўся ўчора ў Екацярынбург і пасля гэтага перастаў выходзіць на сувязь.
Як паведамляе са спасылкай на дзве крыніцы журналіст Дзмітрый Калязеў, Гершкавіча затрымалі. «Эван ездзіў у Екацярынбург пісаць пра стаўленне да вайны і пра вярбоўку мясцовых жыхароў у ПВК Вагнер», — удакладніў Калязеў.
Напярэдадні чытач «Вячэрніх ведамасцяў» распавёў выданню, што бачыў, як ля рэстарана Bukowski Grill, дзе Шыршыкаў размаўляў з Гершкавічам, затрымалі чалавека. Як мяркуецца, сілавікі завялі яго ў мікрааўтобус, нацягнуўшы на твар швэдар, піша выданне. Шыршыкаў мяркуе, што затрыманым мог быць Гершкавіч.
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна44
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары