У Гомелі збіраліся будаваць аквапарк, але замест яго паўстане аб'ект «Газпрама»
Старшыня Гомельскага гарвыканкама Уладзімір Прывалаў расказаў пра перспектывы будаўніцтва аквапарку ў Гомелі. Участак пад яго быў зарэзерваваны яшчэ ў 2013 годзе, аднак да гэтага часу так і не знайшлі інвестара. Цяпер жа, як выглядае, планы ўвогуле памяняліся, піша «Флагшток».
На пачатковым этапе праект Гомельскага аквапарку прадугледжваў наяўнасць басейна, фітнэс-клуба, сцяны для скалалажання, парных і сухіх саун, комплексу атракцыёнаў, водных горак, трэнажорнай залы, сеткі дробнарознічнага гандлю, кропак харчавання, уключаючы міні-бары на вадзе, кафэ і рэстараны. Агульны кошт праекта ацэньваўся ў 14 млн даляраў.
Яшчэ ў мінулым годзе былы інспектар па Гомельскай вобласці Мікалай Рагашчук называў будаўніцтва аквапарку адным з найбольш перспектыўных месцаў прыцягнення інвестыцый у Гомель, тады ж адбыўся аўкцыён па продажы права арэнды зямельнага ўчастка. Аднак неўзабаве пакупнік адмовіўся ад рэалізацыі здзелкі.
Сёння старшыня гарвыканкама Уладзімір Прывалаў у перспектывы знаходжання інвестара пад такі праект ужо не верыць. Паводле яго, самы рэальны выхад на сёння — пабудаваць спартыўна-аздараўленчы комплекс з аквазонай, а аматарам водных забаў чыноўнік парэкамендаваў ездзіць у Мінск.
Таксама чыноўнік паведаміў, што цяпер вядуцца перамовы аб будаўніцтве аб'екта з удзелам «Газпрама».
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары