Грошы з рэкламы не ў дзяржСМІ будзе атрымліваць і журфак БДУ — новы ўказ Лукашэнкі
10 красавіка Аляксандр Лукашэнка падпісаў указ №98. У ім удакладняецца, як будуць размяркоўвацца сродкі ад рэкламнага збору, які абавязаныя плаціць тыя, хто рэкламуецца не ў дзяржаўных СМІ.
У гэтым указе ў новай рэдакцыі выкладаецца ўказ №131 ад 2022 года, які тычыцца рэкламнага збору. Нагадаем, летась быў уведзены збор за размяшчэнне рэкламы ў памеры 10% на вонкавую рэкламу і рэкламу на транспарце і 20% ад кошту паслуг у іншых выпадках. Збор аплачваецца рэкламадаўцамі і накіроўваецца на падтрымку дзяржаўных медыя.
У новым указе ўдакладнены пералік тых, каму і на што гэтыя грошы пойдуць (у ранейшай рэдакцыі гаварылася проста пра дзяржаўныя рэдакцыі агулам і фінансаванне вытворчасці нацыянальнага кантэнту).
Так, сабраныя сродкі атрымаюць дзяржаўныя рэдакцыі на вытворчасць нацыянальнага кантэнту, дзяржТБ — на пакупку абсталявання, праграмнага забеспячэння і тэхнічнае перааснашчэнне фондаў, а таксама БелТА і «Дом прэсы».
Грошы з рэкламы атрымае і журфак БДУ — на арганізацыю навучання і пакупку тэлеабсталявання.
Нядаўна было анансавана, што на журфак з гэтага года не будуць набіраць студэнтаў на платныя месцы.
Размяркоўваць сродкі будзе камісія, створаная Міністэрствам інфармацыі.
Дэканам журфака БДУ паставілі палітолага, які спецыялізуецца на антызаходняй прапагандзе
«Навошта?» Прапагандысты прызналіся, што стаміліся апраўдваць размяшчэнне ядзернай зброі ў Беларусі
Факультэт журналістыкі БДУ значна скарачае набор і адмяняе платныя месцы
Лукашэнка падпісаў указ аб развіцці СМІ. Дзяржаўныя медыя будуць цяпер карміцца са збору ад рэкламадаўцаў
Каментары