Над Кіевам былі збітыя 11 ракет, ва Умані Чаркаскай вобласці разбурыла цэлы пад'езд.
У раёне Кіева падчас расійскага ракетнага налёту гэтай ноччу былі збітыя 11 ракет і два беспілотнікі, ахвяр сярод мірнага насельніцтва няма, паведаміў кіраўнік Кіеўскай гарадской вайсковай адміністрацыі Сяргей Папко.
Па словах кіраўніка адміністрацыі, у адным месцы сталіцы абломкі ракеты пашкодзілі лінію электраперадач і дарожнае пакрыццё, іншых разбурэнняў пакуль не зафіксавана.
Папко нагадаў, што гэты ракетны налёт на сталіцу расіяне здзейснілі праз 51 дзень пасля папярэдняга, які быў 9 сакавіка.
А вось у Дняпры ў выніку налёту загінулі жанчына і трохгадовае дзіця.
Ва Умані ракета трапіла ў жылы дзевяціпавярховік, разбурыўшы цэлы пад'езд. Вядома пра семярых загінулых і некалькіх параненых. Працуюць ратавальнікі, медыкі і паліцыя.
Цяпер чытаюць
Студэнтка, якая ўцякла ад арышту ў 2020-м, працуе на крайняй поўначы Нарвегіі і зразумела скандынаўскі рэцэпт шчасця31
Каментары