Nad Kijevam byli źbityja 11 rakiet, va Umani Čarkaskaj vobłaści razburyła ceły padjezd.
U rajonie Kijeva padčas rasijskaha rakietnaha nalotu hetaj nočču byli źbityja 11 rakiet i dva bieśpiłotniki, achviar siarod mirnaha nasielnictva niama, paviedamiŭ kiraŭnik Kijeŭskaj haradskoj vajskovaj administracyi Siarhiej Papko.
Pa słovach kiraŭnika administracyi, u adnym miescy stalicy abłomki rakiety paškodzili liniju elektrapieradač i darožnaje pakryćcio, inšych razbureńniaŭ pakul nie zafiksavana.
Papko nahadaŭ, što hety rakietny nalot na stalicu rasijanie ździejśnili praz 51 dzień paśla papiaredniaha, jaki byŭ 9 sakavika.
A voś u Dniapry ŭ vyniku nalotu zahinuli žančyna i trochhadovaje dzicia.
Va Umani rakieta trapiła ŭ žyły dzieviacipaviarchovik, razburyŭšy ceły padjezd. Viadoma pra siemiarych zahinułych i niekalkich paranienych. Pracujuć ratavalniki, miedyki i palicyja.
Ciapier čytajuć
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach4
Kamientary