Мінабароны пачало новыя зборы з ваенаабавязанымі. У тым ліку ў Мінску
Зборы праводзяцца з 11 мая па 2 чэрвеня ў Гомелі, Мазырскім раёне і Ленінскім раёне Мінска з ваеннаабавязанымі. Мэта — камплектаванне органаў кіравання тэрытарыяльнай абароны і воінскіх часцей тэрытарыяльных войскаў, паведамляе Мінабароны ў тэлеграм-канале.
Адзначаецца, што падчас збораў службовымі асобамі выканаўчых камітэтаў і адміністрацыі будзе адпрацаваны комплекс мерапрыемстваў, звязаных з фарміраваннем тэрытарыяльных войскаў і падрыхтоўкай іх да выканання задач тэрытарыяльнай абароны.
На завяршальным этапе збораў ваеннаабавязаныя возьмуць удзел у камандна-штабных вучэннях пад кіраўніцтвам намеснікаў старшынь Гомельскага абласнога і Мінскага гарадскога выканаўчых камітэтаў.
У часе вучэнняў падраздзяленням тэрытарыяльных войскаў трэба будзе ахоўваць аб'екты жыццезабеспячэння, сачыць за грамадскім парадкам на вуліцах гарадоў сумесна з асабовым складам органаў унутраных спраў.
Чытайце таксама:
«Слабыя патугі асобных экстрэмістаў». Хрэнін анансаваў далейшыя праверкі боегатоўнасці
Цяпер чытаюць
«Сядзеў ужо 50 сутак, затрымалі яго дзяўчыну і брата». Сукамернік расказаў пра радыёаматара, арыштаванага за здраду дзяржаве1
Каментары