Жонка Борыса Джонсана абвясціла, што цяжарная трэцім дзіцём
У экс-прэм'ера Брытаніі гэта ўжо будзе восьмае дзіця ад розных шлюбаў.

Кэры і Борыс Джонсаны. Фота: інстаграм Кэры Джонсан
Кэры Джонсан, жонка былога брытанскага прэм'ер-міністра Борыса Джонсана, абвясціла, што цяжарная трэцім дзіцем.
У інстаграме 35-гадовая экаактывістка напісала: «Новы член каманды з'явіцца ўсяго праз некалькі тыдняў».
У пары ўжо ёсць двое дзяцей — Уілфрэд, які нарадзіўся ў красавіку 2020 года, і Ромі, якая нарадзілася ў снежні 2021 года. Апошняе публічнае з'яўленне Джонсанаў было на каранацыі караля ў Вестмінстэрскім абацтве, куды яны прыбылі поплеч.
58-гадовы Джонсан стане бацькам восьмы раз. У яго двое дзяцей ад цяперашняй жонкі, чацвёра дзяцей ад другой жонкі і, прынамсі, адно дзіця ад рамана на баку.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі

«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце

Каментары