Сталі вядомыя пераможцы Прэміі імя Карласа Шэрмана для перакладчыкаў
Сябры журы двух сезонаў Прэміі імя Карласа Шэрмана абралі пераможцаў у трох намінацыях: «Пераклад прозы», «Пераклад паэзіі», «Пераклад дзіцячай літаратуры». Цырымонія ўручэння адбылася 22 лістапада ў Варшаве на фестывалі інтэлектуальнай кнігі Pradmova, паведамляе Беларускі ПЭН.
Сёлета намінанты і сябры журы маглі скарыстацца шыфраваннем, каб зрабіць свой удзел непублічным у мэтах бяспекі.
У журы прэміі 2023 года увайшлі:
- філолаг-славіст, перакладчык, рэдактар Сяргей Сматрычэнка;
- перакладчыца, рэдактарка, кніжная блогерка Наста Карнацкая;
- паэтка, перакладчыца, выкладчыца англійскай мовы Ганна Шакель;
- літаратар, журналіст, рэдактар Сяргей Дубавец.
Cябры журы прэміі 2024 года пажадалі застацца непублічнымі.
Пераможцы прэміі Шэрмана 2023
Пераклад прозы
Алена Пятровіч — Станіслаў Ігнацы Віткевіч. «Ненасытнасць». Выдавецтва «Янушкевіч», 2023. Пераклад з польскай.
Пераклад паэзіі
Андрэй Хадановіч — Сяргій Жадан. «Іншае імя любові» (выдавецтва hochroth Minsk) і «Месапатамія» (выдавецтва «Янушкевіч»), 2023. Пераклад з украінскай.
Пераклад дзіцячай кнігі
Сярж Мядзведзеў — Фрэнк Баўм. «Чараўнік Краіны Оз». Выдавецтва «Тэхналогія», 2023. Пераклад з англійскай.
Пераможцы прэміі Шэрмана 2024
Пераклад прозы
Сяргей Шупа — Юргіс Кунчынас. «Туўла». Выдавецтва «Вясна», 2024. Пераклад з літоўскай.
Пераклад паэзіі
Лявон Баршчэўскі — Гамер. «Іліяда». Выдавецтва «Полацкія лабірынты», 2024. Пераклад са старажытнагрэцкай.
Пераклад дзіцячай кнігі
Васіліна Кац — Эля Рыхтэр. «Анат у Ханаане». Выдавецтва «Пралеска», 2024. Пераклад з іўрыту (зашыфраваны ўдзел).
Прэмія за найлепшую перакладную кнігу заснаваная ў 2016 годзе ў гонар выдатнага літаратурнага перакладчыка Карласа Шэрмана. Арганізатарамі прэміі з’яўляюцца Дабрачынная ініцыятыва «Viartańnie», Міжнародны саюз беларускіх пісьменнікаў і Беларускі ПЭН.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары