Беларуска вырашыла займець еўрапейскі пашпарт — яна расказала, як афармляе грамадзянства Румыніі

«Яны запусцілі працэс»

Нягледзячы на тое, што фірмы, якія прапануюць румынскае грамадзянства, знаходзяцца ў Расіі, а многія моманты, у тым ліку перавод авансу, здаваліся сумнеўнымі, Вера вырашыла рызыкнуць.

У выніку, кажа яна, юрысты сваю задачу выканалі: «Як бы там ні было, яны запусцілі працэс. Я атрымала ідэнтыфікацыйны нумар, па якім на сайце Міністэрства замежных спраў Румыніі магу сачыць за лёсам сваёй справы. Калі ён ёсць у сістэме, значыць, з дакументамі ўсё ў парадку», — распавядае яна.

На дадзены момант Вера патраціла каля 4,5 тысяч еўра, лічачы гэтую суму «адносна невялікай» за шанец атрымаць еўрапейскі пашпарт.

Некаторыя кампаніі прапануюць адправіць запыт наконт таго, на якой стадыі знаходзіцца разгляд справы за дадатковыя €300 (мінімум).

Але Вера не бачыць у гэтым асаблівага сэнсу. Паразмаўляўшы з дасведчанымі людзьмі, яна зразумела, што ёсць як пазітыўныя кейсы ў тых, хто не цікавіўся, так і адсутнасць выніку ў тых, хто рабіў гэта неаднаразова.

Замест года — тры

Вера раіць не давяраць абяцанням аб атрыманні грамадзянства за год. З-за вялікага наплыву жадаючых тэрміны моцна павялічыліся. Сама яна разлічвае, што выклік на сумоўе адбудзецца толькі ў 2026 годзе, гэта значыць праз тры гады пасля падачы дакументаў.

У нейкі момант, пакуль на сайце МЗС Румыніі не было руху (або прагрэсу), Вера «ўжо змірылася з думкай аб страце грошай». Але з пачатку 2025 года працэс паскорыўся, і цяпер яна аптымістычна глядзіць у будучыню.

Сумоўе і моўнае пытанне

Веру апошнія змены ў заканадаўстве (абавязковыя моўныя курсы ў Бухарэсце) не закранулі, бо яна падавала дакументы раней. Ёй дастаткова мінімальнага валодання гутарковай румынскай мовай для сумоўя.

Вера актыўна ўзялася за асваенне мовы, калі даведалася, што дакументы прыняты. Але, улічваючы чаргу і ў нейкі момант нават страту веры, усё закінула.

Зрэшты, яна ўпэўнена, што зможа лёгка нагнаць упушчанае, паколькі на гутарку з консулам запрашаюць загадзя — за паўгода. А ў інтэрнэце зараз вельмі шмат анлайн-курсаў, якія за два-тры месяцы рыхтуюць людзей канкрэтна да сумоўя.

Запрашэнне павінна прыйсці на электронную пошту. Інфармацыя аб гэтым з'явіцца і ў асабістым кабінеце на сайце МЗС.

Праходзіць сумоўі і прысягу можна не толькі ў Бухарэсце і нават неабавязкова ў Румыніі. Гэта можна зрабіць у любой амбасадзе гэтай краіны (папярэдзіўшы адпаведным лістом).

Многае залежыць ад шанцавання. Могуць быць простыя пытанні, якія дазваляюць рэальна ацаніць базавыя веды мовы: «Якога колеру адзенне?», «Што знаходзіцца за спінай?», «Якое сёння надвор'е?».

Суразмоўніца мяркуе, што ў фірмаў, якія займаюцца афармленнем румынскага грамадзянства, сапраўды ёсць сувязі, і яны рэальна рыхтуюць талмуды дакументаў. Але шанцы 50 на 50 пры маральнай гатоўнасці расстацца з неабходнай сумай. 

• 6
• 1
• 4
• 7
• 3
• 1
• 0
• 0