Стылістка Віёла Заміроўская вызначыла топ-5 самых модных беларусак на яе погляд — у каментарах многія пагадзіліся з выбарам блогеркі і прапанавалі яшчэ пару кандыдатак на званне «Міс Стыль».
Спіс адкрывае прадметная фатографка і маці Настасся Самойлавіч, якая адзначаецца сваім уменнем змешваць, здавалася б, зусім не спалучальныя рэчы і быць гарманічнай у сваім стылістычным максімалізме ці, наадварот, мінімалізме. «Яна б магла быць міністаркай эклектыкі», — заўважае Віёла.
«Тое, як яна ўмее працаваць з люксам у гардэробе, — вы мусіце гэтаму павучыцца».
Далей стылістка называе мадэль Карыну Момат — «квінтэсэнцыя жаноцкасці і спакойнай упэўненасці».
«Гэта чалавек, які ўсё жыццё носіць свой аўтэнтычны стыль», — каментуе Віёла.
Далей ідзе інфлюэнсерка Яўгенія Прут, якая выдатна працуе абліччам, якое прынята лічыць нестандартным.
«А яшчэ яна ўмела сячэ прапорцыі».
Уключылі ў топ і візажыстку Жанну Cocozhannel — за яе здольнасць прыгожа напластоўваць розныя прадметы з гардэроба і выглядаць лёгка, па-еўрапейску, нібыта яна ні секунды не думала, што сёння апрануць.
Закрывае топ стылісткі выкладчыца ёгі Кацярына Astngalien.
«Той выпадак, калі стыль абсалютна лагічна працягвае жыццёвую лінію чалавека. І тое, як яна прапрацавала партрэтную зону, здаецца, не параўнаць ні з чым».
У каментарах адразу некалькі беларусаў дадаткова звярнулі ўвагу на тое, што кайфуюць ад энергіі і вобразаў айцішніцы Дар’і Беланоўскай.
Таксама людзі натхняюцца лукамі прадзюсаркі Ксеніі Чартовіч.
Многія вылучылі і стылістку Лію Румо, што не дзіўна: уменне ярка і гарманічна апранацца — гэта яе прафесія.
Каментары