«Альбо страта годнасці, альбо рызыка страты ключавога партнёра». Зяленскі выступіў з драматычным зваротам да ўкраінскага народа
Прэзідэнт Украіны Уладзімір Зяленскі ў сувязі з атрыманнем 28 пунктаў «мірнага плану» Дональда Трампа выступіў з відэазваротам да ўкраінскага народа.
«Цяпер адзін з самых цяжкіх момантаў нашай гісторыі. Цяпер Украіна можа апынуцца перад вельмі складаным выбарам: альбо страта годнасці, альбо рызыка страты ключавога партнёра.
Альбо складаныя 28 пунктаў, альбо вельмі цяжкая зіма, самая цяжкая, і далейшыя рызыкі. Жыццё без свабоды, годнасці і справядлівасці і каб мы верылі таму, хто напаў ужо двойчы. Ад нас будуць чакаць адказ», — заявіў Уладзімір Зяленскі.
«Мы будзем рабіць усё, каб у выніку сталася сканчэнне вайны, а не сканчэнне Украіны, Еўропы і глабальнага міру», — дадаў прэзідэнт Украіны.
Ён падкрэсліў, што наступны тыдзень будзе вельмі складаным для Украіны:
«Мы, вядома, сталёвыя, але любы, нават самы моцны метал можа не вытрымаць».
«Мы будзем спакойна працаваць з Еўропай і Амерыкай», — дадаў ён.
«Я буду прапаноўваць альтэрнатывы, але дакладна мы не дадзім ворагу падставаў сказаць, што гэта Украіна не хоча міру».
«Трэба сабрацца, апамятацца, спыніць срач, краіна павінна працаваць аб'яднана. Трэба не блытаць, хто вораг», — адзначыў Уладзімір Зяленскі.
Ён нагадаў пра 24 лютага 2022 года, калі таксама «хадакі» патрабавалі, каб ён капітуляваў:
«Многія з тых хадакоў пазней сталі часткай абменнага фонду і «вернулись в родную гавань».
«Мы не здрадзілі Украіне тады, мы не здрадзім і зараз, — сказаў Зяленскі. — За мною — народ Украіны».
«Дзяржава павінна працаваць, парламент краіны, якая ваюе, павінен працаваць аб'яднана, урад краіны, якая ваюе, павінен працаваць эфектыўна», — падкрэсліў ён.
Лідары ЕС і Зяленскі назвалі адпраўную кропку для перамоў аб міры
Зяленскі і Трамп абмяркуюць мірны план на наступным тыдні
Украіна запатрабавала выключыць з мірнага плана пункт аб правядзенні аўдыту міжнароднай дапамогі, атрыманай падчас вайны
У Еўропе план Трампа па Украіне лічаць дрэнным
28 пунктаў «мірнага плана» ЗША — поўны спіс
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім12
Каментары