Суд у Маскве адклаў пасяджэнне аб перадачы Сафіі Сапегі на 1 чэрвеня. Адвакат папрасіў перанесці разгляд у Прымор'е
Суддзя Прэсненскага суда Масквы адклала пасяджэнне аб перадачы ў Расію Сафіі Сапегі на 1 чэрвеня, каб пракуратура «змагла азнаёміцца з хадайніцтвамі абароны», паведамляе «Медыязона».
Адвакат папрасіў перанесці суд у Прыморскі край, бо Сапега зарэгістраваная на востраве Рускі.
Сафію Сапегу затрымалі разам з Раманам Пратасевічам два гады таму, 23 мая 2021 года, у выніку прымусовай пасадкі ў Мінску самалёта Ryanair Афіны — Вільня.
6 мая 2022 года яе асудзілі на 6 гадоў калоніі паводле двух артыкулаў: распальванне варожасці і варажнечы (частка 3 артыкула 130 КК) і незаконнае збіранне інфармацыі аб прыватным жыцці (частка 1 артыкула 179 КК).
14 красавіка Генпракуратура задаволіла хадайніцтва Сафіі Сапегі аб перадачы яе ў Расію для адбыцця пакарання. У жніўні мінулага года яна была пазбаўленая дазволу на жыхарства ў Беларусі, акрамя таго, ёй адмовілі ў памілаванні.
Рамана Пратасевіча 3 мая 2023 года суд асудзіў да 8 гадоў калоніі ўзмоцненага рэжыму, але 22 мая Лукашэнка яго памілаваў.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»5
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары