Sud u Maskvie adkłaŭ pasiadžeńnie ab pieradačy Safii Sapiehi na 1 červienia. Advakat paprasiŭ pieranieści razhlad u Prymorje
Sudździa Preśnienskaha suda Maskvy adkłała pasiadžeńnie ab pieradačy ŭ Rasiju Safii Sapiehi na 1 červienia, kab prakuratura «zmahła aznajomicca z chadajnictvami abarony», paviedamlaje «Miedyjazona».
Advakat paprasiŭ pieranieści sud u Prymorski kraj, bo Sapieha zarehistravanaja na vostravie Ruski.
Safiju Sapiehu zatrymali razam z Ramanam Pratasievičam dva hady tamu, 23 maja 2021 hoda, u vyniku prymusovaj pasadki ŭ Minsku samalota Ryanair Afiny — Vilnia.
6 maja 2022 hoda jaje asudzili na 6 hadoŭ kałonii pavodle dvuch artykułaŭ: raspalvańnie varožaści i varažniečy (častka 3 artykuła 130 KK) i niezakonnaje źbirańnie infarmacyi ab pryvatnym žyćci (častka 1 artykuła 179 KK).
14 krasavika Hienprakuratura zadavoliła chadajnictva Safii Sapiehi ab pieradačy jaje ŭ Rasiju dla adbyćcia pakarańnia. U žniŭni minułaha hoda jana była pazbaŭlenaja dazvołu na žycharstva ŭ Biełarusi, akramia taho, joj admovili ŭ pamiłavańni.
Ramana Pratasieviča 3 maja 2023 hoda sud asudziŭ da 8 hadoŭ kałonii ŭzmocnienaha režymu, ale 22 maja Łukašenka jaho pamiłavaŭ.
Ciapier čytajuć
U Rečycy ludzi vyjšli prybirać śnieh. Ich aštrafavali6
U Rečycy ludzi vyjšli prybirać śnieh. Ich aštrafavali
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary