Памілаваны Раман Пратасевіч даў паказанні на сваю былую дзяўчыну Сафію Сапегу. У асноўным на яго паказаннях і будавалася абвінавачанне. Зараз справа аб яе экстрадыцыі можа быць накіраваная ў суд Уладзівастока — менавіта там апошняе месца яе рэгістрацыі, піша BAZA.
Паводле звестак «Базы», Раман паведаміў следчым, што за сваю працу па дэаноне сілавікоў Сапега атрымала пяць тысяч даляраў. Па словах Пратасевіча, дзяўчына, калі была ў Вільні, прабівала беларускіх сілавікоў праз сэрвіс «Вока Бога» і публікавала іх даныя ў тэлеграме, сцвярджае гэты тэлеграм-канал.
Сафію затрымалі разам з Раманам Пратасевічам у Мінску 23 мая 2021 года пасля прымусовай пасадкі рэйса Афіны — Вільня.
6 мая 2022 года яе асудзілі на 6 гадоў калоніі. Зараз вырашаецца пытанне аб яе экстрадыцыі ў Расію.
Зяленскі: Рэтранслятары на мяжы Беларусі прыпынілі працу69
Каментары