Замест Кітая: Apple падпісала вялікі кантракт на вытворчасць чыпаў у ЗША. Пекін пакрыўдзіўся
Кампанія Apple заключыла шматмільярдны кантракт з амерыканскім вытворцам мікрачыпаў Broadcom з мэтай выкарыстоўваць у сваіх прыладах больш дэталяў, вырабленых у ЗША.
У рамках доўгатэрміновай дамовы дзве кампаніі будуць сумесна распрацоўваць і вырабляць у Амерыцы кампаненты для прылад 5G. Гэтая ўгода стала часткай абвешчанага яшчэ ў 2021 годзе плана Apple па інвеставанні 430 мільярдаў даляраў у эканоміку ЗША, піша Бі-бі-сі.
Рашэнне аб пераходзе на мікрачыпы айчыннай вытворчасці было прынята на фоне гандлёвай вайны паміж Пекінам і Вашынгтонам у галіне высокіх тэхналогій.
У ходзе гэтага зацяжнога канфлікту ЗША ўжо наклалі шэраг абмежавальных мер на кітайскую індустрыю па вытворчасці мікрачыпаў і ўклалі мільярды даляраў у развіццё ўласнага сектара паўправаднікоў.
Кітай таксама не застаецца ў даўгу. У пачатку тыдня Пекін заявіў, што прадукцыя амерыканскага гіганта Micron Technology ставіць пад пагрозу нацыянальную бяспеку краіны.
У апошнія месяцы заканадаўцы сярод як рэспубліканцаў, так і дэмакратаў аказваюць усё большы ціск на амерыканскія тэхналагічныя гіганты, якія, з іх пункту гледжання, патрапілі ў занадта вялікую залежнасць ад кітайскіх вытворцаў і дэталяў.
Apple на гэтым фоне імкнецца паступова мяняць свой ланцужок пастаўшчыкоў. Усё больш яе прылад вырабляюцца за межамі Кітая — у прыватнасці, у Індыі і В'етнаме.
А ў мінулым годзе кампанія абвясціла, што стане закупляць паўправаднікі ў тайваньскага гіганта TSMC, што вырабляюцца на фабрыцы ў Арызоне.
У 2022 годзе Apple таксама абвясціла пра планы па вытворчасці смартфона iPhone 14 у Індыі ў рамках новай стратэгіі па вывадзе вытворчасці з Кітая.
У красавіку адкрыліся першыя рознічныя крамы смартфонаў Apple ў Дэлі і Мумбаі.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе9
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў1010
Каментары