Лукашэнка пашкадаваў, што Расія не пайшла больш маштабнай вайной на Украіну ў 2014-2015 гадах
Аляксандр Лукашэнка на сустрэчы з кіраўнікамі спецслужб СНД адзначыўся рэзананснай заявай. Ён фактычна пашкадаваў, што Расія не пайшла больш маштабнай вайной на Украіну ў 2014-2015 гадах, калі ва Украіне не было арміі, і абвінаваціў Захад, што ён зрабіў Украіну здольнай абараніць сябе.
Яго словы прыводзіць БелТА.
Лукашэнка стаў абвінавачваць украінскае кіраўніцтва ў тым, што яно не карысталася варыянтамі «жыць мірна».
«Але ні былыя [прэзідэнты] Януковіч, Парашэнка, ні цяперашні Зяленскі гэтым не скарысталіся. Чаму не скарысталіся? Яны што, хацелі вайны? Не. Іх проста штурхалі да гэтага. Знайшлі болевыя месцы, дзе можна было націснуць», — сказаў Аляксандр Лукашэнка.
А пасля заявіў:
«Адзіная, напэўна, наша памылка, што мы не вырашылі гэтае пытанне ў 2014-2015 гадах, калі не было ні войска ва Украіны, ні гатоўнасці… Усё хацелі мірна неяк урэгуляваць. А яны за гэты час стваралі баяздольныя Узброеныя сілы».
Абвінаваціў таксама Еўропу:
«Яны адкрыта прызналіся, што рабілі ўсё, каб падрыхтаваць Украіну да вайны з Расіяй».
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»4
Каментары