У Мінску пачаўся суд над злодзеем у законе Кушнерам. У свой час ён быў асуджаны на расстрэл
Падсудны Аляксандр Кушнераў — чалавек з «рэальнай уладай». Апошні з банды марозаўцаў.
Абвінавачанаму, які вядомы як злачынны аўтарытэт «Саша Кушнер», пагражае да 25 гадоў пазбаўлення волі за заказное забойства, піша «Спутнік».
Гаворка ідзе пра помсту за сябра і самага вядомага азербайджанскага злодзея ў законе — Надзіра Саліфава па мянушцы Гулі.
Кушнера затрымалі 2022 года.
Аляксандр Кушнераў выказаўся супраць фота— і відэаздымкі, суддзя ўлічыла яго меркаванне.
Раней судзімы фігурант справы расказаў, што нарадзіўся ў Гомелі, жанаты, у яго трое дзяцей, адзін з якіх непаўналетні. Мае сярэднюю адукацыю. Належаў да банды Марозава.
Аляксандр Кушнераў мае шэсць судзімасцяў. Аднойчы ён нават быў прысуджаны да смяротнага пакарання, аднак затым яно была замененае на турэмны тэрмін — 15 гадоў.
Нібыта яго каранаваў сам Дзед Хасан.
Дзяржабвінаваўца заявіў, што Аляксандр Кушнераў аказвае псіхалагічны і фізічны ціск на сведак. Усяго па спісе апошніх праходзіць шэсць чалавек. У сувязі з гэтым пракурор хадайнічае аб разглядзе справы ў закрытым рэжыме.
Падсудны прапанаваў пакінуць пытанне на меркаванне суддзяў. Судовая калегія вызначыла праводзіць далейшы працэс у мэтах бяспекі сведак у закрытым судовым пасяджэнні.
Беларусы горача спрачаюцца, ці варта прывязваць дапамогу на дзіця да заробку маці51
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары