U Minsku pačaŭsia sud nad złodziejem u zakonie Kušnieram. U svoj čas jon byŭ asudžany na rasstreł
Padsudny Alaksandr Kušnieraŭ — čałaviek z «realnaj uładaj». Apošni z bandy marozaŭcaŭ.
Abvinavačanamu, jaki viadomy jak złačynny aŭtarytet «Saša Kušnier», pahražaje da 25 hadoŭ pazbaŭleńnia voli za zakaznoje zabojstva, piša «Sputnik».
Havorka idzie pra pomstu za siabra i samaha viadomaha azierbajdžanskaha złodzieja ŭ zakonie — Nadzira Salifava pa mianušcy Huli.
Kušniera zatrymali 2022 hoda.
Alaksandr Kušnieraŭ vykazaŭsia suprać fota— i videazdymki, sudździa ŭličyła jaho mierkavańnie.
Raniej sudzimy fihurant spravy raskazaŭ, što naradziŭsia ŭ Homieli, žanaty, u jaho troje dziaciej, adzin ź jakich niepaŭnaletni. Maje siaredniuju adukacyju. Naležaŭ da bandy Marozava.
Alaksandr Kušnieraŭ maje šeść sudzimaściaŭ. Adnojčy jon navat byŭ prysudžany da śmiarotnaha pakarańnia, adnak zatym jano była zamienienaje na turemny termin — 15 hadoŭ.
Nibyta jaho karanavaŭ sam Dzied Chasan.
Dziaržabvinavaŭca zajaviŭ, što Alaksandr Kušnieraŭ akazvaje psichałahičny i fizičny cisk na śviedak. Usiaho pa śpisie apošnich prachodzić šeść čałaviek. U suviazi z hetym prakuror chadajničaje ab razhladzie spravy ŭ zakrytym režymie.
Padsudny prapanavaŭ pakinuć pytańnie na mierkavańnie sudździaŭ. Sudovaja kalehija vyznačyła pravodzić dalejšy praces u metach biaśpieki śviedak u zakrytym sudovym pasiadžeńni.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary