Пра гэтую дамоўленасць паведамляе Мінаховы здароўя. Адпаведнае пагадненне аб супрацы падпісалі прадстаўнікі міністэрства з кампаніяй «Сінафарм» (China Sinopharm International Corporation) падчас візіту ў Кітай.
Апроч будаўніцтва медустаноў, таксама паведамляецца пра дамоўленасць аб пастаўках медыцынскага абсталявання кітайскай вытворчасці.
У часе візіту ў Кітай беларуская дэлегацыя наведала Пекінскі ўніверсітэт, каб абмеркаваць магчымасці для супрацоўніцтва і абмену выкладчыкамі і студэнтамі для ўдзелу ў навукова-практычных канферэнцыях, стажыроўках, правядзенні сумесных навуковых даследаванняў. Універсітэту перадалі праект пагаднення аб супрацоўніцтве з БДМУ.
Паведамляецца, што таксама абмяркоўвалася магчымасць супрацоўніцтва з універсітэтам у галіне гематалогіі, у тым ліку CAR-T-тэрапіі. Гаворка ідзе пра падрыхтоўку спецыялістаў у галіне малекулярнай біялогіі — CAR-T-тэрапіі і новых тэхналогій пры алагеннай і аўталагічнай трансплантацыі касцявога мозгу.
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе11
Каментары
гэта было дауно...
паслалі нас з калегай на фармзавод, які будаваўся, проста, каб зверыць планы
агромністы будынак. ідзе будаўніцтва, але нікога няма. шмат цэхаў абышлі, у апошнім бачым маленькага кітайца - нешта тыпу робіць. але тое, што ен робіць, не адпавядае ні нашым планам, ні таму, што быў на нейкай пакемечанай паперцы ў яго. ніякую мову ён не разумее
дзесьці непадалёк сярод будаўнічых матэр'ялаў заўважаю пер'е... галубінае... шмат пер'я... кажу каляжанцы: гэта што? яна: ды ён па ходу тут жыве і галубоў есць
будуйце-будуйце з кітайцамі - яны вам набядуюць