«Уладзімір Зяленскі і ягоныя прыхільнікі не могуць расчароўваць Захад, бо гэта можа каштаваць ім не толькі пасад, але і жыцця». Экс-прэзідэнт Расіі напісаў у тэлеграме чарговы допіс.
Ён піша, што Украіна даўно абяцала вялікі контрнаступ. «Ніякіх нечаканасцяў, бо выбар у кіеўскага рэжыму адсутнічае. Трэба наступаць. Трэба апраўдваць атрыманае бабло і зброю. Расчараванне гаспадароў можа каштаваць зяленскаму [Мядзведзеў напісаў прозвішча лідара Украіны з малой літары — НН] і Co не толькі пасад, але і самога жыцця».
Намеснік старшыні Рады бяспекі ўпэўнены, што «дастаткова некалькіх данясенняў ад амерыканскай агентуры, якая даўно ўжо камандуе ў СБУ, і ўсю какаінавую шоблу імгненна спішуць ва ўтыль».
Ён упэўнены, што на вецер пушчаныя грошы амерыканскіх падаткаплатнікаў, таму будзе адказ.
«Прычым зробяць гэта чужымі рукамі, як гэта любяць у Лэнглі: аддадуць загад радыкальным адмарозкам шлёпнуць наркамана за здраду Рідній Україні і справе Бандэры, а потым падвесіць за ногі разам з яго прыхвастнямі, як калісьці павесілі дучэ і яго фашысцкую хунту на плошчы Ларэта ў Мілане».
Таму, мяркуе Мядзведзеў, выхад у кіеўскага рэжыму адзін: «ісці да канца, адпраўляючы на пагібель тысячы адмабілізаваных».
Але, перасцерагае Мядзведзеў, не варта недаацэньваць суперніка.
«Вораг і заходні свет, які яго падтрымлівае, гатовыя на ўсё, каб сцерці нашу краіну з твару зямлі. Таму цяпер галоўнае — максімальна сканцэнтравацца і даць годны адказ. У нашай арміі істотная перавага і ў авіяцыі, і ў бранятанкавых сілах, і ў высокадакладнай зброі. І вядома, маральная перавага. Нам трэба спыніць ворага, а потым пачаць наступ.
Яго мэта сёння не толькі ў вызваленні нашых зямель і абароне нашых людзей. Яго мэта — поўнае зрыньванне нацысцкага кіеўскага рэжыму, які акапаўся ў краіне 404», — рэзюмуе Дзмітрый Мядзведзеў.
Герой Беларусі Марына Васілеўская нарадзіла дачку ад касманаўта Алега Навіцкага16
Каментары