Грамадства1414

Хто такія вамбаты? Як лукашыстаў падзяліла на два лагеры адно пытанне

Погляды некаторых прыхільнікаў лукашэнкаўскай улады могуць быць занадта радыкальнымі нават для сваіх.

Ігар Марзалюк, Вольга Бондарава, Марат Маркаў. Фота: БелТА, «Гродзенская праўда», скрын АНТ

Пытанне, па якім у прыхільнікаў рэжыму не сышліся погляды, — падтрымка рускага свету. Пакуль адны прасоўваюць наратывы рускага свету і паўсюль бачаць «ушчамленне рускай мовы» і русафобію, іншыя гатовыя заступіцца і за беларускую мову, і часам нават за лацінку.

Тых, хто за рускі свет, іншы лагер называе «вамбатамі». Мянушка нарадзілася дзякуючы інтэрнэт-мему, імаверна, пра тое, што экскрэменты вамбата маюць квадратную форму.

Дакладныя прычыны выбару акурат гэтага азначэння для прыхільнікаў рускага свету назваць складана.

«Вамбаты» — гэта сінонім «каларадаў», як піша ў сваім канале праўладная мастачка Святлана Жыгімонт.

Хто ж да якога лагера належыць?

У групе падтрымкі рускага свету — праўладная мастачка Святлана Жыгімонт (яна напісала пастаральны партрэт Лукашэнкі пад дрэвам), прарасійская актывістка Вольга Бондарава і яе каманда. Іншыя персанажы — менш вядомыя.

Яны ўсур'ёз заклапочаныя, што на шыльдах у гарадах і музеях мала рускай мовы. «Мяккая паланізацыя» — такую пагрозу прыхільнікі рускага свету бачаць у лацінцы і беларускай мове, а таксама ў нацыянальных каштоўнасцях.

У іншым лагеры — гісторык і дэпутат Ігар Марзалюк, кіраўнік АНТ Марат Маркаў (а таксама іншыя супрацоўнікі канала), Ілля Бегун (ён у 2020-м выдаваў сябе за прыхільніка перамен).

Некаторыя з лукашыстаў у гэты лагер запісваюць і прапагандыста Рыгора Азаронка.

«Я беларускую мову ніколі не мілаваў. Усё ж вырас у горадзе, асяроддзе было пагалоўна рускамоўнае, сям'я дык увогуле з усяго СССР, мясцовых няма нікога. Але вось апошні годзік-два прыходжу да думкі, што ёсць рэчы, якія трэба аберагаць, нават калі цяпер ты ў іх не бачыш патрэбы. Многія рэчы прыходзяць з узростам. І значна крыўдней, калі момант прапусціў і ўжо да моманту, калі ты паспееш пагрузіцца ў тую ж класіку мясцовай літаратуры або тыя ж тэатральныя пастаноўкі, гэтага не будзе. Страціць мову вельмі лёгка. Вярнуць жа немагчыма», — пісаў Бегун у сваім канале.

Пра Жыгімонт і Бондараву яны пішуць як пра людзей, якія толькі прыкрываюцца патрыятызмам, а папраўдзе шкодзяць дзяржаве.

«Іх «белорусская мойва», «Беларуси нужна тотальная денацификация», «плошка перамохи», «обрезанная версия подвига», «минздох», «нацистская блевотина», «профнепригодный министр», і ўсе іншыя «заслугі» перад айчынай павінны цалкам перакрэсліць усякую магчымасць звяртацца да дзяржавы са сваімі хацелкамі і даносамі, пакуль карма не будзе адноўленая», — пісала ў сваім тэлеграм-канале рэжысёрка АНТ Наталля Ждановіч.

Аматары рускага свету ў сваю чаргу заклікаюць байкатаваць АНТ.

У нейкі момант спрэчка нават выйшла за межы асабістых каналаў лукашыстаў — тэлеканал АНТ запосціў з'едлівы допіс пра «вамбатаў» у свой тэлеграм-канал.

У сваёй пазіцыі абодва лагеры падтрымліваюць Лукашэнку. Толькі адны лічаць нацыянальныя каштоўнасці пагрозай парадку, а іншыя — важным складнікам суверэнітэту, але хоць і ў сваёй інтэрпрэтацыі. 

Каментары14

  • Mafkees
    07.06.2023
    Что за чушь я прочитал?
  • Добейте выживжих
    08.06.2023
    Жадаю поспехаў абодвум бакам канфлікту
  • Paliašuk
    08.06.2023
    Рускамірцы - гэта абсалютнае зло. Але другі лагер не бачыць
    ці чамусьці (з-за свайго прыстасаванства, напрыклад) не жадае бачыць, што іх правадыр - такі самы ватнік, які іх прывядзе ў тую ж рф, толькі трохі больш звілістым шляхам.

    Вомбат-батяня, батяня-вомбат,
    Пригнал он на улицы в масках солдат.
    Взлетают ракеты, и танки коптят - сюда их впустил your вомбат.

Стала вядома, дзе працуе фаварытка Лукашэнкі Уладлена Зайцава19

Стала вядома, дзе працуе фаварытка Лукашэнкі Уладлена Зайцава

Усе навіны →
Усе навіны

Масіраваная атака БПЛА на Расію: пажары на нафтазаводах, радыёзаводзе і выбухі каля вайсковага аэрадрома6

Расіяне выбралі, які помнік будзе пастаўлены ў Гомелі31

Штучны інтэлект можа прывесці да вымірання чалавецтва, папярэджваюць эксперты14

Папулярны блогер Пан Усялян другі раз стаў татам13

Расійскія турысты знайшлі на пляжы ў Тайландзе ваніты кашалота. Яны каштуюць шалёныя грошы1

Блогер параўнаў кошт адпачынку ў санаторыі «Радон» з паездкай на кітайскі востраў Хайнань — і быў шакаваны2

Дарадца Ціханоўскай перадаў лукашэнкаўскім дыпламатам прапанову пра круглы стол28

У адказ на балбатню Мядзведзева Трамп загадаў перамясціць ядзерныя падводныя лодкі10

МАРГ пайменна назвала ўсіх вінаватых у бульбяным дэфіцыце14

больш чытаных навін
больш лайканых навін

Стала вядома, дзе працуе фаварытка Лукашэнкі Уладлена Зайцава19

Стала вядома, дзе працуе фаварытка Лукашэнкі Уладлена Зайцава

Галоўнае
Усе навіны →

Заўвага:

 

 

 

 

Закрыць Паведаміць