Урад Нямеччыны распрацаваў першую нацыянальную стратэгію бяспекі краіны. Канцэпцыя прадугледжвае ўмацаванне бяспекі краіны па трох галоўных напрамках: абараназдольнасці, жыццеўстойлівасці і ўстойлівасці.
«Галоўная задача нашай палітыкі бяспекі — гарантыя таго, што мы зможам працягваць жыць у нашай краіне ў міры і свабодзе. Для гэтага мы непахісна адданыя NATO і ЕС і ўмацоўваем Бундэсвер для выканання ягонай асноўнай місіі — абароны краіны і альянсу», — падкрэсліваецца ў паведамленні.
У прыватнасці, у дакуменце абвяшчаецца аб намеры давесці сярэдні гадавы ўзровень выдаткаў на абарону да 2 працэнтаў ВУП, Бундэсвер называецца асновай для канвенцыянальных сіл абароны ў Еўропе.
Таксама ў канцэпцыі ідзе гаворка аб пашырэнні кібернетычнага і касмічнага патэнцыялу ФРГ, узмацненні барацьбы супраць шпіянажу і дыверсій, умацаванні еўрапейскай тэхналагічнай базы бяспекі і абароны.
Цяпер чытаюць
Хто той чацвёрты вайсковец ЗША, якога дагэтуль шукаюць? І які амаль супадае па ўзросце з амерыканцам, затрыманым пад Маладзечнам7
Каментары