Свет88

Расійскія прапагандысты следам за Залужным хаваюць Буданава 

Расійскія прапагандысты паведамілі пра чарговы нібыта фенаменальны поспех сваіх вайскоўцаў і спецслужбаў. Паводле іх, яшчэ 29 мая расійскай ракетай быў цяжка паранены кіраўнік украінскай вайсковай разведкі Кірыла Буданаў.

Кірыла Буданаў. Фота: «Новое время»

РІА «Навіны» са спасылкай на сваю крыніцу сцвярджае, што расійская ракета патрапіла ў будынак украінскага Галоўнага ўпраўлення разведкі — ды акурат у суседні з Буданавым кабінет. Цяпер, маўляў, Буданаў у цяжкім стане знаходзіцца ў шпіталі ў Берліне.

Падобна да таго, што акурат да гэтай «спецаперацыі» можа мець дачыненне ўзнагароджанне лукашэнкаўскіх сілавікоў расійскімі ўзнагародамі, якое адбылося 1 чэрвеня. Пра сам яго факт у прэсе паведамлялася, а за што канкрэтна было тое ўшанаванне, афіцыйна не казалі.

У той жа час прапагандыст Вадзім Гігін, які днямі стаў дырэктарам Нацыянальнай бібліятэкі, у праграме «Вечар з Уладзімірам Салаўёвым», дзе ён ёсць частым госцем, нядаўна казаў наступнае:

«Дырэктар ФСБ Аляксандр Бортнікаў узнагародзіў беларускіх афіцэраў-разведчыкаў. Чаму пра гэта абвясцілі публічна? Гэта была аперацыя «Валькірыя 2.0», для якой былі вызначаныя каардынаты. Усе ведаюць, дзе знаходзіцца Рыбальскі востраў, гэта штаб-кватэра ГУР Кірылы Буданава. Адбыўся момант, калі там знаходзіліся прадстаўнікі кіраўніцтва і нейкія разведчыкі, якіх нібы як узнагароджвалі. Удар аказаўся вельмі адчувальным, мякка кажучы».

Раней расійская прапаганда (а за ёй і беларуская) цягам мая запускала інфармацыю пра тое, што спачатку нібыта загінуў, а пасля быў цяжка паранены галоўнакамандуючы УСУ Валерый Залужны. Ён сапраўды не з'яўляўся на публіцы некалькі тыдняў, але 25 і 26 мая з'явіўся і на фота, і на відэа.

Апошняе на сённяшні дзень відэа з Кірылам Буданавым з'явілася 11 чэрвеня. У ім кіраўнік украінскай разведкі паўхвіліны глядзіць у камеру і не прамаўляе ні слова, а ў канцы роліка ўзнікае надпіс «Планы любяць цішыню».

 

Каментары8

  • Навошта
    15.06.2023
    НН, зачем вы постите эту путино-лукашикую пропаганду. Эти два режима врут десятилетиями!
  • Подождите
    15.06.2023
    Вопрос времени
  • a.hto.tam.idze
    15.06.2023
    Брахня чарговая, але не тое галоўнае. Будаваў, Зяленскі... Забойства іх нічога кардынальным чынам не зменіць. Нехта наступны ўздыме сцяг змагання і працягне распачатую справу. Прага ўкраінцаў да свабоды ды самавызначэння працінае цалкам усё грамадства, а не з'яўляецца прадуктам фантазіі нейкай пэўнай асобы. Для ўкраінцаў ніколі не існавала аўтарытаў. З іншага боку, у Расеі дагэтуль пануе царскі менталітэт. Тыповы расеец прагне мець над сабою начальніка, бо не можа уявіць жыццё, дзе трэба самастойна вызначаць сваю долю.

Цяпер чытаюць

Крымскі мост зруйнаваны ўдарам украінскіх ракет40

Крымскі мост зруйнаваны ўдарам украінскіх ракет

Усе навіны →
Усе навіны

Па Мазыры панесліся чуткі пра маньяка і серыйныя забойствы. А што напраўду?

18‑гадовы аргенцінскі футбаліст памёр пасля прылёту мяча ў галаву1

Урсула фон дэр Ляен прывяла Беларусь як прыклад, да чаго прыводзіць адмова ад еўраінтэграцыі21

Беёнсэ стала першай артысткай, якую намінавалі на «Грэмі» 100 разоў1

Расійскі хакеіст, які амаль усю кар'еру гуляў у Беларусі, пайшоў заваёўваць Украіну і загінуў1

30‑гадовы блогер Максім Пушкін зрабіў другую перасадку валасоў. Колькі заплаціў?16

Зніклага расійскага Z-ваенкара Раманава маглі абвінаваціць у дзяржздрадзе5

Па справе абразы доктаркай жанчыны з інваліднасцю на яе працы праводзяць праверку6

Жанчына набыла цукеркі «Бутэлечкі», у якіх усярэдзіне не было лікёру. Чаму так?5

больш чытаных навін
больш лайканых навін

Крымскі мост зруйнаваны ўдарам украінскіх ракет40

Крымскі мост зруйнаваны ўдарам украінскіх ракет

Галоўнае
Усе навіны →

Заўвага:

 

 

 

 

Закрыць Паведаміць