Дэлегацыя з Афрыкі скарысталася бамбасховішчам падчас атакі Расіі на Кіеў
Журналісты Reuters чулі выбухі і заўважылі дымавы след ад дзвюх ракет у паветры.
Таксама каманда Reuters бачыла, як афрыканскія лідары прыбылі ў Кіеў у калоне аўтамабіляў і зайшлі ў гатэль, каб скарыстацца бамбасховішчам, піша «Украінская праўда».
Лідары ПАР, Егіпта, Сенегала, Уганды, Замбіі і Рэспублікі Конга знаходзяцца ў Кіеве з міратворчай місіяй, накіраванай на ўстанаўленне міру пасля ўварвання Расіі ва Украіну.
Сярод захадаў, якія могуць быць прапанаваныя, — адвядзенне расійскіх войскаў, вывад з Беларусі тактычнай ядзернай зброі, прыпыненне дзеяння ордара Міжнароднага крымінальнага суда на арышт Пуціна і паслабленне антырасійскіх санкцый.
Афрыканскія лідары таксама імкнуцца да «безумоўнага пагаднення аб збожжы і ўгнаеннях», у якіх вельмі зацікаўлена Афрыка.
Падчас візіту афрыканскіх лідараў Расія атакавала Украіну, у тым ліку Кіеў, ракетамі «Кінжал», «Калібр» і беспілотнікамі.
Паводле папярэдняй інфармацыі, падчас атакі супрацьпаветраная абарона Украіны знішчыла 12 ракет. Кіраўнік Кіеўскай ваеннай адміністрацыі Сяргей Папко паведаміў, што гэтыя цэлі былі збітыя ў паветранай прасторы вакол Кіева.
-
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу
-
Расійскі афіцэр застрэліў на фронце ва Украіне двух сваіх жа вайскоўцаў
-
Пад Самарай пасля ўдару Украіны другія суткі гарыць адно з найбуйнейшых сховішчаў нафты ў Еўропе
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары