Delehacyja z Afryki skarystałasia bambaschoviščam padčas ataki Rasii na Kijeŭ
Žurnalisty Reuters čuli vybuchi i zaŭvažyli dymavy śled ad dźviuch rakiet u pavietry.
Taksama kamanda Reuters bačyła, jak afrykanskija lidary prybyli ŭ Kijeŭ u kałonie aŭtamabilaŭ i zajšli ŭ hatel, kab skarystacca bambaschoviščam, piša «Ukrainskaja praŭda».
Lidary PAR, Jehipta, Sieniehała, Uhandy, Zambii i Respubliki Konha znachodziacca ŭ Kijevie ź miratvorčaj misijaj, nakiravanaj na ŭstanaŭleńnie miru paśla ŭvarvańnia Rasii va Ukrainu.
Siarod zachadaŭ, jakija mohuć być prapanavanyja, — adviadzieńnie rasijskich vojskaŭ, vyvad ź Biełarusi taktyčnaj jadziernaj zbroi, prypynieńnie dziejańnia ordara Mižnarodnaha kryminalnaha suda na aryšt Pucina i pasłableńnie antyrasijskich sankcyj.
Afrykanskija lidary taksama imknucca da «biezumoŭnaha pahadnieńnia ab zbožžy i ŭhnajeńniach», u jakich vielmi zacikaŭlena Afryka.
Padčas vizitu afrykanskich lidaraŭ Rasija atakavała Ukrainu, u tym liku Kijeŭ, rakietami «Kinžał», «Kalibr» i bieśpiłotnikami.
Pavodle papiaredniaj infarmacyi, padčas ataki supraćpavietranaja abarona Ukrainy źniščyła 12 rakiet. Kiraŭnik Kijeŭskaj vajennaj administracyi Siarhiej Papko paviedamiŭ, što hetyja celi byli źbityja ŭ pavietranaj prastory vakoł Kijeva.
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary