42-гадовы плывец-аматар, пажарны-выратавальнік па прафесіі Іэн Х'юз стартаваў у аўторак з англійскага Дуўра. У той жа дзень французскі выратавальны цэнтр ля Кале атрымаў паведамленне пра яго знікненне.
42-гадовы Іэн Х'юз стартаваў у аўторак з англійскага Дуўра. У той жа дзень французскі выратавальны цэнтр ля Кале атрымаў паведамленне пра яго знікненне, як піша Бі-бі-сі.
Улады Францыі і Бельгіі тут жа разгарнулі пошукавую аперацыю, у якой удзельнічалі французскія патрульныя катары і верталёты французскіх і бельгійскіх ваенна-марскіх сіл.
Х'юза, аднак, не знайшлі, і ў сераду французскія ўлады згарнулі пошукі.
Арганізацыя, якая адсочвае перасячэння праліва, — Федэрацыя плыўцоў і пілотаў Ла-Манша — у сераду «з глыбокім шкадаваннем» абвясціла, што пошукі Х'юза не ўвянчаліся поспехам.
У сераду ўвечары афіцыйную заяву аб тым, што Іэн Х'юз прапаў без вестак, выпусціла і пажарная служба рэгіёна Уэст-Мідлендс, дзе ён служыць з 19 гадоў.
«Нягледзячы на пошукі з удзелам французскага і бельгійскага вайсковых верталётаў плюс вайсковых і паліцэйскіх патрульных катараў, месцазнаходжанне Іэна застаецца невядомым», — гаворыцца ў заяве.
Шырыня Ла-Манша ў самым вузкім месцы — 34 кіламетры, і яго пераадоленне займае ў плыўцоў ад сямі да 27 гадзін.
Сваім заплывам Іэн Х'юз планаваў сабраць 21 тысячу фунтаў ахвяраванняў для медыцынскіх і пажарных службаў.
У паведамленнях прэсы гаворыцца, што з Дуўра Іэн Х'юз адправіўся ў заплыў у суправаджэнні лодкі або катара падтрымкі, але ў які момант яны рассталіся, не паведамляецца.
За 150 гадоў падобных заплываў Ла-Манш перасеклі ўжо каля дзесяці тысяч чалавек. Загінулі пры спробе пераплысці праліў дзесяць чалавек.
Цяпер чытаюць
Здзелка Трампа з Пуціным: чым за яе могуць заплаціць Украіна і Беларусь15
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары