Гітанас Наўседа пракаментаваў сённяшнія падзеі. Па яго словах, «крывавая вайна Расіі бумерангам вярнулася назад», а новыя абставіны неабходна будзе ацаніць падчас саміту NATO ў Вільні.
Гітанас Наўседа. Фота: «Наша Ніва»
«Тое, што я прагназаваў у пачатку агрэсіі супраць Украіны, сёння становіцца рэальнасцю. Крывавая вайна Расіі бумерангам вярнулася ў Расію.
Застаецца толькі шкадаваць, што гэта не паўстанне грамадзянскай супольнасці, а прыватнае войска, сабранае ў турмах, але, што пасееш, тое і пажнеш.
Крамлёўскі рэжым сутыкнуўся з тым, што сам жа і стварыў», — канстатаваў прэзідэнт Літвы ў фэйсбуку.
Па яго словах, новыя абставіны павінны быць ацэненыя на саміце NATO ў Вільні.
Памілаваны і дэпартаваны ўкраінец Катовіч расказаў, за якую абразу на яго пакрыўдзіўся Лукашэнка2
Каментары